Žonka prapahandysta Tura terminova šukaje repietytara pa matematycy dla dački
Zusim niadaŭna ministr adukacyi Andrej Ivaniec rezka raskrytykavaŭ baćkoŭ, jakija najmajuć repietytaraŭ, asabliva ŭ pačatkovaj škole.
Učora Ksienija Tur, žonka prapahandysta Ihara Tura, raspaviała ŭ instahramie, što rabiła z dačkoj uroki da poźniaj nočy. Dziaŭčynka vučycca ŭ 4 kłasie ŭ škole ŭ Astrašyckim Haradku. Siarod jaje adnakłaśnikaŭ i syn prydvornaha kampazitara Jaŭhiena Alejnika.
Jašče z ruskaj movaj Ksienija zmahła dapamahčy — choć i pakutavała ad niekatorych skłonaŭ. A voś, zdajecca, matematycy nie zdoleła dać rady.
Tamu ciapier terminova šukaje repietytara. Pra heta Ksienija paviedamiła ŭ storys: «Situacyja… Šukajem repietytara pa matematycy ŭ anłajn-farmacie! Baćki adekvatnyja, dačka jašče lepiej». I dadała paznaku SOS.
Niadaŭna ministr adukacyi Andrej Ivaniec raskrytykavaŭ repietytaraŭ — maŭlaŭ, tyja zusim nie patrebnyja biełaruskim školnikam. A kali baćki najmajuć repietytara, značyć, chočuć adkupicca ad dziciaci, zajaviŭ jon.
Asabliva dastałasia baćkam małodšakłaśnikaŭ: «Ja ŭpeŭnieny: naša sučasnaja školnaja prahrama nastolki prostaja, što, u pryncypie, luby baćka pavinien sieści, uspomnić i zdoleć rastłumačyć svajmu dziciaci. Kali tata ci mama nie ŭ stanie rašyć zadaču pa matematycy čaćviortaha kłasa, značyć, u baćkoŭ niešta pajšło nie tak».
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ75
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary