Prapahandyst Ihar Tur vyrašyŭ pierasialicca bližej da Astrašyckaha Haradka
Žonka prapahandysta ANT Ihara Tura Ksienija raspaviała ŭ instahramie, što ŭ chutkim časie siamju čakaje pierajezd. Jana pachvaliłasia, što ciapier usio čaściej bačyć pryhažość zaharadnaj pryrody.
Ksienija taksama dadała, što ŭ suviazi sa źmienaj miesca žycharstva pieravodzić svaju dačku Julijanu sa staličnaj himnazii №15 na vulicy Maksima Bahdanoviča ŭ «vielmi krutuju škołu».
Sakret, što ž heta za krutaja škoła, raskryŭ prydvorny kampazitar Jaŭhien Alejnik. Jon vykłaŭ skrynšot sa školnaha baćkoŭskaha čata, dzie bačna, što da jaho dałučylisia Ihar i Ksienija Tury.
Alejnik rastłumačyŭ: ciapier jaho małodšy syn Vova budzie vučycca razam ź Julijanaj. A chłopčyk, jaki sioleta skončyŭ druhi kłas, vučycca ŭ škole ŭ Astrašyckim Haradku.
Mienavita hetuju navučalnuju ŭstanovu skončyŭ Kola Łukašenka. Tamu radaść Ksienii Tur zrazumieć možna — heta dakładna nie prostaja sielskaja škoła.
Jaŭhien Alejnik razam z žonkaj śpiavačkaj Aŭraj i synami žyvie ŭ pryvatnym domie ŭ vioscy Navasiołki Minskaha rajona. Imavierna, niedzie nie vielmi daloka nabyła nieruchomaść i siamja prapahandysta Ihara Tura.
Ksienija Tur pracuje ŭ Minskim haradskim upraŭleńni Ministerstva pa nadzvyčajnych situacyjach. Da šlubu jana była pres-sakratarkaj homielskaha MNS.
Maksim Niedasiekaŭ vystaviŭ na prodaž mašynu. Śćviardžaje, što choča nabyć nieruchomaść
Minskaj błohiercy nie chapaje na pieršy ŭznos za mašynu. Jana pradaje lubimyja strynhi za tysiaču jeŭra
Viadomaja biełaruskaja biznesvumen — i žonka praŭładnaha błohiera-miljońnika — šukaje arandataraŭ dla svajho katedžu. Košt vaŭ!
Ci atrymajecca va ŭładaŭ viarnuć dziaciej mihrantaŭ u biełaruskija škoły? Naŭrad ci, ale jany sprabujuć — prymusova
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary