U siaredzinie vieraśnia ŭ pryharadach Paryža školniki pačali pratestavać i błakavać škoły. Chutka ruch achapiŭ usiu krainu. Vučni skardziacca na zanadta doŭhi vučebny dzień, pierapoŭnienyja kłasy, staryja budynki i pastajannuju adsutnaść nastaŭnikaŭ. Pratesty padtrymali ravieśniki ŭ Bielhii i Italii, piša «Jeŭrańjus».
Nastupny dzień akcyj pryznačany na 13 kastryčnika. Na 17 kastryčnika asobna zapłanavany pratest suprać darahoŭli i rostu cen paliva, i jon moža adradzić ruch «žoŭtych kamizelek». Mnohija vučni vychodziać z łozunhami pra maj 1968 hoda, kali studenckija vystupy pieraraśli va ŭsieahulnuju zabastoŭku. Sacyjołahi miarkujuć, što adnačasova mahčymyja abodva scenary: źlićcio roznych chval niezadavolenaści abo pastupovaje zhasańnie ruchu. Apošniamu mohuć paspryjać dvuchtydniovyja školnyja kanikuły.
Ministr adukacyi Eduar Žefre paabiacaŭ nakiravać u škoły 3 000 nastaŭnikaŭ na zamienu. Prafsajuzy nazyvajuć heta časovaj łatkaj i nahadvajuć, što kryzis u škołach doŭžycca daŭno.
Z pačatku ruchu zatrymali 6 877 čałaviek, 86% ź ich niepaŭnaletnija. Heta značna bolš, čym za pieršy miesiac «žoŭtych kamizelek». Šyroki rozhałas vyklikali ciažkija traŭmy padletkaŭ ad palicejskich hranat i humovych kul. Palicyja viadzie 24 unutranyja rasśledavańni, a AAN zaklikała da praparcyjnaha vykarystańnia siły. Pavodle ŭład, paranienyja taksama 761 palicejski i žandar, niekalki škoł paškodžanyja abo spalenyja. Ekśpierty ličać žorstkaść palicyi biesprecedentnaj z 1968 hoda. Mienavita jana pryciahnuła ŭ ruch darosłych: baćkoŭ i prafsajuzy.
Urad mienšaści sprabuje pravieści praz parłamient biudžet na 2027 hod ź mierami ekanomii. Deficyt składaje 5,4% VVP, u krainie kryzis koštu žyćcia. Da prezidenckich vybaraŭ u krasaviku zastajecca mienš za paŭhoda, i ŭ apytańniach lidziruje Maryn Le Pen. Premjer Siebaśćien Lekarniu i pravyja partyi abvinavačvajuć Žan-Luka Miełanšona i «Niepakornuju Francyju» ŭ vykarystańni moładzi ŭ palityčnych metach. Miełanšon adkazvaje, što jaho partyja ruch padtrymlivaje, ale nie arhanizuje.
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ35
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary
Jak stali padać rejtynhi ŭ levych - adrazu źjaviŭsia niejki kryzis i niejkija pratesty.