Zialenski: Ukraina praviadzie vybary, kali Pucin pahodzicca na 60‑dzionnaje pieramirje
Napiaredadni Tramp zajaviŭ, što «Ukrainie pryjšoŭ čas zavieści novaha prezidenta».
Uładzimir Zialenski zajaviŭ u intervju ABC News, što kali Pucin pahodzicca na 60‑dzionnaje pieramirje, Ukraina praviadzie vybary.
«Ja viedaju, što Pucin vielmi chacieŭ by źmianić prezidenta Ukrainy, ja heta razumieju. I kali prezident Tramp sapraŭdy choča, kab na vybarach adbylisia niejkija źmieny, ja taksama skazaŭ heta jahonaj kamandzie, kali łaska, skažycie Pucinu, kab jon daŭ nam dva miesiacy — 60 dzion — poŭnaha spynieńnia ahniu, i my arhanizujem vybary».
Napiaredadni prezident ZŠA Donald Tramp vykazaŭsia za adstaŭku prezidenta Ukrainy Uładzimira Zialenskaha.
«Ja dumaju, Ukrainie pryjšoŭ čas zavieści novaha prezidenta. Ja prapanuju, kab u ich źjaviŭsia novy lidar, jaki zmoža zaklučyć ździełku. Bo jon moh by zaklučyć šmat uhod, ale čamuści nikoli hetaha nie robić», — zajaviŭ Tramp.
Jon taksama paćvierdziŭ, što zaklikaŭ Ukrainu admovicca ad udaraŭ pa rasijskich NPZ.
Zialenski na heta adkazaŭ, što nie spynić udary pa rasijskich NPZ, pakul Rasija atakuje ŭkrainskuju enierhietyku.
-
Zialenski zajaviŭ pra hatoŭnaść da mirnaha pahadnieńnia z raźmiežavańniem pa ciapierašniaj linii frontu
-
U Rasii čarhovy rehijon skaraciŭ vypłaty siemjam zahinułych na vajnie suprać Ukrainy
-
Adrezaŭ sabie stupniu nažom dla tušonki i praciahvaŭ vajavać. Historyja ŭkrainca, jakoha evakujavali bieśpiłotnikam paśla 491 dnia na pazicyi
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary
Kaniešnie, nie. Ale heta adciahnie prablemu na nastupny telesiezon.
I možna budzie kazać, ja daŭ mir. Ja spyniŭ 15 vojnaŭ.