Зяленскі: Украіна правядзе выбары, калі Пуцін пагодзіцца на 60‑дзённае перамір'е
Напярэдадні Трамп заявіў, што «Украіне прыйшоў час завесці новага прэзідэнта».
Уладзімір Зяленскі заявіў у інтэрв'ю ABC News, што калі Пуцін пагодзіцца на 60‑дзённае перамір'е, Украіна правядзе выбары.
«Я ведаю, што Пуцін вельмі хацеў бы змяніць прэзідэнта Украіны, я гэта разумею. І калі прэзідэнт Трамп сапраўды хоча, каб на выбарах адбыліся нейкія змены, я таксама сказаў гэта ягонай камандзе, калі ласка, скажыце Пуціну, каб ён даў нам два месяцы — 60 дзён — поўнага спынення агню, і мы арганізуем выбары».
Напярэдадні прэзідэнт ЗША Дональд Трамп выказаўся за адстаўку прэзідэнта Украіны Уладзіміра Зяленскага.
«Я думаю, Украіне прыйшоў час завесці новага прэзідэнта. Я прапаную, каб у іх з’явіўся новы лідар, які зможа заключыць здзелку. Бо ён мог бы заключыць шмат угод, але чамусьці ніколі гэтага не робіць», — заявіў Трамп.
Ён таксама пацвердзіў, што заклікаў Украіну адмовіцца ад удараў па расійскіх НПЗ.
Зяленскі на гэта адказаў, што не спыніць удары па расійскіх НПЗ, пакуль Расія атакуе ўкраінскую энергетыку.
Каментары
Канешне, не. Але гэта адцягне праблему на наступны тэлесезон.
І можна будзе казаць, я даў мір. Я спыніў 15 войнаў.