Пра выцек даных карыстальнікаў Мінсувязі не згадвае.
11 кастрычніка Міністэрства сувязі і інфарматызацыі паведаміла, што сэрвісы дзяржаўнай сістэмы ўліку і апрацоўкі зваротаў грамадзян і арганізацый часова недаступныя.
Прычынай недаступнасці сэрвісу ведамства назвала тэхнічныя работы.
Мінсувязі паабяцала дадаткова паведаміць пра завяршэнне работ і аднаўленне доступу. Канкрэтных тэрмінаў яно не назвала.
Праз «Обращения.бел» можна падаць заяву, прапанову ці скаргу ў дзяржаўны орган і сачыць за яе разглядам. З 2023 года электронныя звароты ў дзяржаўныя ўстановы прымаюцца толькі праз гэтую платформу.
Раней стала вядома пра выцек даных карыстальнікаў сэрвісу. У тэлеграм-боце «Шэрлак» знайшліся іх імёны, кантакты, у некаторых выпадках ідэнтыфікацыйныя нумары, а таксама тэксты зваротаў. Сярод іх — звароты прапагандысткі Людмілы Гладкай і прарасійскай актывісткі Вольгі Бондаравай.
Афіцыйнага паведамлення пра выцек не было.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак18
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары