Яго купляюць і беларусы, і госці з азіяцкіх краін.
На Камароўцы можна знайсці батат, вырашчаны ў Беларусі. Прычым розных колераў — жоўты, ружовы, чырвоны, фіялетавы, заўважыў «Смартпрэс».
Кошт такога батату вагаецца ад 12 да 18 рублёў за кілаграм. Некаторыя сарты больш салодкія, іншыя маюць прысмак гародніны. Больш дарагі, фіялетавы, таксама мае фіялетавы колер мякаці.
«Бяруць і цікавяцца, так, — расказвае прадавец. — Прычым бяруць не толькі беларусы, а і госці з іншых краін, асабліва азіяцкіх. Кажуць, робяць з яго шмат страў — ад гарніраў да смузі».
Батат вырошчваюць у Мінскай вобласці, займаюцца гэтай культурай не першы год.
«Культура цеплалюбівая, даводзіцца трымаць яе пад плёнкай, але ў астатнім — не надта і пераборлівая».
На рынку можна знайсці і грыбы. Баравікі па 60‑100 рублёў за 1 кг, падасінавікі па 40 рублёў за 1 кг, лісічкі па 12 рублёў за 1 кг.
Каментары