Rasijanie ŭsio bolš kuplajuć biełaruskija chaładzilniki i plity
Prodažy biełaruskich chaładzilnikaŭ i marazilnikaŭ u rasijskaj sietcy kram vyraśli za kvartał udvaja.
Rasijski rytejler «M.Videa» raskazaŭ, kolki biełaruskaj pradukcyi ŭ ich kuplałasia ź vieraśnia 2025 hoda da vieraśnia 2026 hoda.
Najbolšym popytam karystalisia brendy Gefest, Atlant i Horizont. Brali ŭ asnoŭnym chaładzilniki i marazilniki, kuchonnuju techniku.
U druhim kvartale abjom prodažaŭ biełaruskich brendaŭ u rasijskim rytejle vyras na 34,3% adnosna pieršaha kvartała. Atlant pavialičyŭ svaje prodažy na 96,3%, Gefest — na 24,5%.
Prodažy chaładzilnikaŭ i marazilnikaŭ biełaruskich vytvorcaŭ u druhim kvartale pavialičyłasia na 98,4% u paraŭnańni ź pieršym kvartałam, a ich dola ŭ ahulnym abjomie prodažaŭ padniałasia z 17,6% da 26%. Prodažy bujnoj kuchonnaj techniki za ŭkazany pieryjad vyraśli na 25,6%.
Ahułam na biełaruskija brendy ŭ prodažy hetaj sietki kram pryjšłosia 23,6% prodažaŭ hazavych plit siarod razhladanaj vybarki, 9,4% — elektryčnych plit, 6,2% — mini-pralnych mašyn i kala 4% — marazilnikaŭ.
Kamientary