Bolš za 60 čałaviek zatrymanyja paśla kancerta Maksa Karža ŭ Frankfurcie-na-Majnie. Sa sceny śpiavak zaklikaŭ spynić vajnu va Ukrainie
Na kancert biełaruskaha śpievaka Maksa Karža ŭ niamieckim Frankfurcie-na-Majnie sabralisia amal 30 tysiač čałaviek, piša DW. Mnohija pryjechali ź inšych rehijonaŭ Hiermanii, a taksama z Polščy, Čechii, Biełarusi, Ukrainy, Małdovy.
Bolšaść hledačoŭ — ukraincy. Nad natoŭpam padniali ściahi Ukrainy, a taksama Hruzii, Małdovy, Litvy, Łatvii, Kazachstana, Kyrhyzstana. Cana kvitkoŭ startavała ad 80 i dachodziła da 450 jeŭra za VIP-miescy.
Maks Korž nie robić rezkich palityčnych zajaŭ, ale na kancertach asudžaje ŭvarvańnie Rasii va Ukrainu. Takija zajavy prahučali i ŭ Frankfurcie-na-Majnie.
«Pieśni pryśviečanyja tym, chto zahinuŭ na hetaj vajnie… Jaje treba nieadkładna spynić. Jany kažuć, jak? Ale niemahčyma spynić mietearyt, čumu… Vajnu mohuć spynić tyja ludzi, kamu heta vyhadna, — skazaŭ Korž sa sceny. — Spynicie hetuju vajnu. I damaŭlajciesia kolki chočacie. Vam padabajucca pieramovy! Možna nie adpuskać nikoha, možacie pakinuć chłopcaŭ pa kazarmach. Chaj usie čakajuć! Damaŭlajciesia 10, 20, choć 100 hadoŭ. Spynicie zabojstvy ludziej, spynicie bambardziroŭku!»
Paśla kancerta palicyja zatrymała ŭ rajonie stadyjona 63 fanataŭ Karža. Ich abvinavacili ŭ zapalvańni piratechniki, sutyčkach pamiž saboj i z pravaachoŭnikami. Viaducca rasśledavańni pa kryminalnych artykułach.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Kamientary