Iłan Mask padtrymaŭ krytyku Uładzimira Zialenskaha z boku Donalda Trampa. Amierykanski miljarder zajaviŭ, što prezident Ukrainy zajšoŭ zanadta daloka i krainie čas atrymać novaha kiraŭnika.
Mask pakinuŭ niekalki kamientaroŭ u sacsietcy X.
«Zialenski zajšoŭ zanadta daloka», — napisaŭ Mask, kamientujučy videa, na jakim Tramp śćviardžaje, što ŭkrainskija ŭdary pa rasijskich naftapierapracoŭčych zavodach stvarajuć prablemy z palivam dla śvietu.
U inšym kamientary miljarder zajaviŭ: «Ja zhodny, nastaŭ čas Ukrainie atrymać novaha lidara».
Tramp abvinavaciŭ Zialenskaha ŭ tym, što toj nibyta moh šmat razoŭ spynić vajnu, ale vyrašyŭ hetaha nie rabić.
Hetyja zajavy prahučali paśla taho, jak 9 kastryčnika Tramp paviedamiŭ pra razmovu z Uładzimiram Pucinym i damoŭlenaść ab pastaŭkach dyzielnaha paliva z Rasii.
Zialenski rezka raskrytykavaŭ hetaje rašeńnie. Pavodle jaho, źniaćcie sankcyj daść Rasii dadatkovyja miljardy na praciah vajny. Jon taksama zajaviŭ, što ŭkrainskuju delehacyju na pieramovach u ZŠA vykarystoŭvajuć jak prykryćcio dla damoŭlenaściaŭ Trampa z Pucinym.
Pry hetym pamočnik Pucina Juryj Ušakoŭ zajaviŭ, što ŭ razmovie z Trampam Pucin adkinuŭ mahčymaść mirnych pieramoŭ i paćvierdziŭ namier praciahvać bajavyja dziejańni da dasiahnieńnia ŭsich svaich metaŭ.
Kamientary
[Zredahavana]
[Zredahavana]