Vital Pinčuk narešcie debiutavaŭ u NCHŁ. I adrazu nabraŭ pieršy bał VIDEA
«Nešvił» prajhraŭ, ale biełaruski debiutant byŭ adnym z najlepšych u kamandzie.
Biełaruski forvard «Nešviła» Vital Pinčuk narešcie debiutavaŭ u NCHŁ. Jon vyjšaŭ na lod u vyjaznym matčy rehularnaha čempijanatu suprać «Atavy».
24‑hadovaha biełarusa pastavili ŭ naminalna druhuju trojku. I ŭžo ŭ pieršym pieryjadzie jon nabraŭ svoj debiutny bał. Na 9‑j chvilinie Pinčuk addaŭ halavuju pieradaču i dapamoh Rosu Kołtanu adkryć lik. Vital staŭ druhim biełarusam, jakomu ŭdałosia nabrać ačko ŭ debiutnym matčy ŭ NCHŁ. Pieršym byŭ Illa Protas z «Vašynhtona» ŭ minułym siezonie.
Ross Colton's first #Preds goal Vitali Pinchuk's first @NHL point https://t.co/Lka7IFvHeR
U vyniku «Nešvił» prajhraŭ «Atavie» ŭ sieryi bulitaŭ — 2:3. Pinčuk pravioŭ na lodzie 11 chvilin 10 siekund, u tym liku 2 chviliny 12 siekund u bolšaści, nanios adzin kidok mima bramy i zaviaršyŭ matč z pakazčykam karysnaści «+1».
«Nešvił» nabraŭ 6 ačkoŭ u 5 matčach i zajmaje piataje miesca ŭ svaim Centralnym dyvizijonie.
Pinčuk u minułym siezonie vystupaŭ za minskaje «Dynama» i staŭ adnym z najlepšych forvardaŭ KCHŁ. Uletku biełarus vybiraŭ siarod prapanoŭ amal usich kłubaŭ NCHŁ i padpisaŭ adnahadovy kantrakt z «Nešviłam» z zarobkam krychu bolš za miljon dołaraŭ.
Adnak debiut Pinčuka ŭ najmacniejšaj lizie śvietu zaciahnuŭsia. Spačatku jaho naohuł adpravili ŭ farm-kłub, potym viarnuli ŭ asnoŭnuju kamandu, ale pakidali ŭ zapasie. Biełarusu daviałosia čakać piataha matču siezona i traŭmy partniora Maŭryka Burka, kab narešcie vyjści na lod.
Pinčuk staŭ 20‑m biełaruskim chakieistam, jaki zhulaŭ u NCHŁ.
Ciapier čytajuć
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam7
Kamientary