Maksim Niedasiekaŭ vystaviŭ na prodaž mašynu. Śćviardžaje, što choča nabyć nieruchomaść
Bronzavy pryzior Alimpijady ŭ Tokia lohkaatlet Maksim Niedasiekaŭ sprabuje pradać mašynu i praź biełaruski, i praz rasijski sajt. Kolki ž prosić?
Na prodaž Maksim vystaviŭ Honda Civic 2015 hoda vypusku. Paznačana, što mašyna całkam pieraroblenaja. Jana pierafarbavanaja, vydaleny katalizatar, ustalavany daŭnpajp, kastamnyja fary tut ad Lexus. A ŭ sałonie spartsmien abiacaje vielmi dobry huk, bo tam ustalavany i ŭzmacnialnik.
U Honda było dva ŭładalniki, a prabieh jaje składaje 159 tysiač kiłamietraŭ. Niedasiekaŭ piša, što pradaje mašynu ŭ suviazi z nabyćciom nieruchomaści. Na biełaruskim sajcie jon paznačyŭ košt 21 tysiaču dalaraŭ, na rasijskim — prykładna na 400 dalaraŭ bolš.
Pradać mašynu Niedasiekavu dapamahaje jaho dziaŭčyna — himnastka Łalita Mackievič, jakaja sioleta paviedamiła pra skančeńnie svajoj spartyŭnaj karjery.
Maksim Niedasiekaŭ viadomy nie tolki svaimi spartyŭnymi dasiahnieńniami, ale i pałymianaj luboŭju da režymu Łukašenki. Praz hučnyja vykazvańni i padtrymku vajny jon navat trapiŭ pad sankcyi Ukrainy.
Darečy, raniej chadzili plotki, byccam by Niedasiekaŭ maje prablemy z ałkaholem, a jaho załaty zapas chutka skančvajecca. Iranizavać nad hetym vyrašyła navat dziaržaŭnaja hazieta «SB». Redaktar adździeła sportu Siarhiej Kanašyc u intervju raspytvaŭ spartoŭca:
— Platkarać ab tym, što ty staŭ šmat vypivać.
— Nie staŭ, a skončyŭ. Paśla śmierci Taćciany Fiodaraŭny (trenierka Niedasiekava. — NN) niekatory čas sapraŭdy ŭžyvaŭ. Jak užo kazaŭ, było vielmi ciažka na dušy, a heta akazaŭsia samy lohki sposab źniać napružańnie i zasnuć. Navat baćki ŭziali tydzień za svoj košt i pryjechali ź Viciebsku ŭ Minsk, kab mianie padtrymać.
— Jašče adna čutka: u Niedasiekava zakančvajecca załaty zapas i chutka my jaho ŭbačym z šapkaj kala carkvy.
— Dumaju, i biez carkvy znajdu jak zarabić. A ŭvohule, na žyćcio chapaje. Mašynu voś pradaŭ, źjechała ŭ Maskvu maja šykoŭnaja BMW (tuju darahuju mašynu spartsmien nabyŭ u 2021 hodzie. — NN).
— Nu ciapier usio, trymajsia: dakładna skažuć, što raspradaješ staryja zapasy, kab niejak źvieści kancy z kancami.
— Niachaj kažuć. Pahladzim, što jany zaśpiavajuć praz hod, kali daviedajucca, ź jakoj metaj ja heta zrabiŭ…
Kaštavała taja BMW sapraŭdy niatanna — u sałonie za jaje prasili prykładna ad 100 da 120 tysiač dalaraŭ. Adbyłasia razmova z prapahandystam jašče ŭ 2023 hodzie.
Pradaje telefon, vystupaje na rasijskich turnirach. Čym žyvuć najbolš prykmietnyja spartsmieny — prychilniki Łukašenki
Maksim Niedasiekaŭ pra Cimanoŭskuju: «Mnie nie padabajecca hety čałaviek. Ź joj pastupili pravilna»
Lehkaatlet Niedasiekaŭ pra źbićcio brata Domračavaj: Nu jakaja žorstkaść… Ja prosta nie zachodžu ŭ internet i nie hladžu heta
Ciapier čytajuć
«Źnik bieź źviestak» vielmi małady biełaruski najomnik15
Kamientary