Tramp zajaviŭ pra mocnuju asabistuju niepryjaznaść pamiž Zialenskim i Pucinym
Prezident ZŠA zajaviŭ, što Pucin choča zaklučyć pahadnieńnie bolš, čym Zialenski.
Prezident ZŠA Donald Tramp zajaviŭ pra «mocnuju niepryjaznaść» pamiž prezidentam Rasii Uładzimiram Pucinym i ŭkrainskim lidaram Uładzimiram Zialenskim. Pra heta jon skazaŭ padčas vystupu pierad prychilnikami Respublikanskaj partyi ŭ štacie Ahajo napiaredadni listapadaŭskich vybaraŭ u Kanhres ZŠA, piša RBK.
«Pamiž dvuma lidarami isnuje vielmi mocnaja ŭzajemnaja niepryjaznaść», — skazaŭ jon.
Niahledziačy na heta, kiraŭnik Biełaha doma zajaviŭ, što mirnaje pahadnieńnie «budzie zaklučana».
Pierad vyletam u Ahajo Tramp skazaŭ, što Maskva i Kijeŭ chočuć zaklučyć pahadnieńnie, ale «nie viedajuć jak».
«Ale my damožamsia taho, kab jany zaklučyli pahadnieńnie», — dadaŭ jon.
Pry hetym prezident ZŠA zajaviŭ, što Pucin «choča zaklučyć pahadnieńnie bolš, čym Zialenski».
Akramia taho, adkazvajučy na pytańni žurnalistaŭ, amierykanski lidar zaklikaŭ Zialenskaha zasiarodzicca na zaklučeńni pahadnieńnia, a nie na razmovach pra jaho.
«I voś što ja dumaju. Zialenskamu varta zasiarodzicca na zaklučeńni pahadnieńnia, a nie na razmovach pra heta», — skazaŭ jon.
Heta nie pieršy raz, kali prezident ZŠA zajaŭlaje pra niepryjaznaść pamiž rasijskim i ŭkrainskim lidarami. Anałahičnuju dumku jon vykazvaŭ u sakaviku padčas sustrečy z kancleram Hiermanii Frydrycham Miercam u Biełym domie.
Kamientary
- Da iśpityvał, on mnie skazał - Takuju lišniuju niepryjazń ja iśpityvaju k potierpievšiemu, što kušať nie mohu