Słavakija i Vienhryja admovilisia finansavać novuju pazyku Ukrainie ad ES na 2027 hod
Na fonie značnych vydatkaŭ na vajnu Ukraina prosić Jeŭrasajuz ab novaj pazycy na 70 młrd jeŭra. Słavakija i Vienhryja zajavili, što nie buduć udzielničać u jaje finansavańni, paviedamlaje RBK-Ukraina.
Słavacki premjer Robiert Fica taksama vykazaŭsia nakont pieramoŭ ab doŭhaterminovym biudžecie ES na 2028—2034 hady. Pavodle jaho słoŭ, krainy-členy pakul dalokija ad uzhadnieńnia ahulnaj pazicyi.
Fica ličyć, što dasiahnuć damoŭlenaści da kanca hoda budzie składana. Mienavita na taki termin raźličvaje staršynia Jeŭrapiejskaj rady Antoniu Košta.
U toj ža čas słavacki premjer nazvaŭ «niebiaśpiečnym» źviazvańnie pieramoŭ ab budučym biudžecie Jeŭrasajuza ź finansavańniem Ukrainy.
Pavodle jaho słoŭ, Słavakija hatovaja padtrymlivać Ukrainu inšymi sposabami. Siarod mahčymych kirunkaŭ jon nazvaŭ prajekty ŭ śfiery adukacyi, darožnaj infrastruktury i raźvićcia enierhietyčnych złučeńniaŭ.
Fica taksama raskrytykavaŭ toje, što, na jaho dumku, padčas samitu ŭ Brusieli niedastatkova ŭvahi nadali mirnym inicyjatyvam i spynieńniu vajny pamiž Rasijaj i Ukrainaj.
Padčas samitu ŭ Brusieli prezident Ukrainy Uładzimir Zialenski zajaviŭ, što vajna budzie kaštavać krainie 155 młrd jeŭra ŭ nastupnym hodzie. Jon zaklikaŭ prezidentaŭ i premjer-ministraŭ krain Jeŭrasajuza znajści nieabchodnyja srodki dla dalejšaj padtrymki Ukrainy.
Kamientary