Minčanka paŭdzielničała ŭ konkursie pryhažości i vyjhrała pajezdku. Ale adpačynak tak i nie adbyŭsia
45‑hadovaja minčanka paŭdzielničała ŭ konkursie pryhažości i atrymała ŭ padarunak siertyfikat na turystyčnuju pajezdku.
Praŭda, skarystacca im jana tak i nie zmahła, a zamiest biaspłatnaha adpačynku straciła amal 600 rubloŭ, piša Onliner.by.
Infarmacyju pra konkurs žančyna znajšła ŭ miesiendžary. Mierapryjemstva było kamiercyjnym, a paśla jaho zaviaršeńnia ŭsim udzielnicam uručyli padarunkavyja siertyfikaty na pajezdku ad zamiežnaj turystyčnaj kampanii.
Praź niekatory čas minčanka vyrašyła skarystacca padarunkam. Dla hetaha joj prapanavali adskanavać QR-kod, zarehistravacca i ŭnieści płaciož dla aktyvacyi siertyfikata.
Žančyna vykanała instrukcyi i pieraviała kala 600 rubloŭ na zamiežny rachunak. Adnak paśla hetaha pradstaŭniki kampanii pierastali vychodzić na suviaź. Abiacanaj pajezdki minčanka tak i nie dačakałasia.
Pa fakcie machlarstva raspačataja kryminalnaja sprava.
Kamientary