Tramp kaža, što Starlink Ukrainie adklučaŭ nie jon i naŭrad ci Mask. A chto — nie viedaje
Prezident ZŠA Donald Tramp zajaviŭ, što nie maje dačynieńnia da abmiežavańniaŭ u pracy vajskovaj viersii Starlink, jakuju Ukraina vykarystoŭvaje dla suviazi i kiravańnia bieśpiłotnikami.
Padčas razmovy z žurnalistami ŭ Trampa spytali, chto pryniaŭ rašeńnie abmiežavać pracu sistemy dla Ukrainy — jon sam ci ŭładalnik SpaceX Iłan Mask.
«Ja nie viedaju, ci było heta čyimści rašeńniem, bo heta byŭ nie ja. I ja nie dumaju, što heta byŭ Iłan. Nakolki ja razumieju, usio zastałosia tak, jak było raniej», — adkazaŭ amierykanski prezident.
Raniej ukrainskija vajskoŭcy sutyknulisia z prablemami ŭ pracy Starshield — vajskovaha servisu na asnovie technałohij Starlink. Terminały stračvali suviaź, kali bieśpiłotniki ruchalisia na vysokaj chutkaści.
Paviedamlałasia, što chutkasnaje abmiežavańnie składała 160 km/h. Z-za hetaha ŭkrainskija drony-pierachopniki nie mahli dahaniać reaktyŭnyja bieśpiłotniki i źniščać ich.
Prezident Ukrainy Uładzimir Zialenski źviarnuŭsia da Maska z zaklikam źniać abmiežavańni, zajaviŭšy, što ad hetaha zaležać žyćci mirnych ukraincaŭ.
Sam Mask raniej tłumačyŭ, što sistemy Starshield kantralujucca amierykanskimi vajskoŭcami i ŭradam ZŠA, jakija i mohuć uvodzić padobnyja abmiežavańni.
Jeŭrapiejskija lidary nie prasili Zialenskaha być miakčejšym z Trampam
Zialenski: Z Trampam mnie praściej, čym z Pucinym
Jakuju zbroju i raźviedvalnyja danyja Ukrainie mohuć dać tolki ZŠA?
Stała viadoma, adkul pastupiŭ zahad abmiežavać Starshield dla Ukrainy
Jeŭrasajuz prapanavaŭ alternatyvu Starlink dla Ukrainy
Iłan Mask: Starlink nielha vykarystoŭvać dla nastupalnych dziejańniaŭ, a chutkaść i paramietry vajskovych terminałaŭ vyznačajuć Pientahon i Tramp
Ciapier čytajuć
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy13
Kamientary
[Zredahavana]