U Biełarusi płanujuć uvieści abaviazkovuju siertyfikacyju hatelaŭ
U Biełarusi abmiarkoŭvajuć prajekt ukaza, jaki praduhledžvaje abaviazkovuju siertyfikacyju haścinic pavodle sistemy zorak. Pra heta paviedamiła načalnica adździeła siertyfikacyi pasłuh Biełaruskaha dziaržaŭnaha instytuta standartyzacyi i siertyfikacyi Taćciana Śmirnova ŭ efiry telekanała «Pieršy infarmacyjny».
Pavodle słoŭ čynoŭnicy, prajekt ukaza ŭžo prajšoŭ etapy ŭzhadnieńnia i ciapier znachodzicca va ŭradzie. Kančatkovaje rašeńnie jašče nie pryniataje.
Pry raspracoŭcy novaj sistemy ŭličvajuć dośvied Rasii, dzie siertyfikacyja srodkaŭ raźmiaščeńnia źjaŭlajecca abaviazkovaj. Kali hatel nie adpaviadaje nieabchodnym patrabavańniam, orhan pa siertyfikacyi vyznačaje niedachopy i tłumačyć, što treba zrabić dla atrymańnia adpaviednaj katehoryi.
Praduhledžvajecca paetapnaje ŭviadzieńnie novych pravił. Da 1 studzienia 2028 hoda siertyfikacyju pavinny buduć prajści bujnyja hateli, u jakich bolš za 70 numaroŭ. Da 1 studzienia 2029 hoda hetaje patrabavańnie płanujuć raspaŭsiudzić na hateli ź mienš čym 70 numarami.
Śmirnova adznačyła, što praces, jak čakajecca, projdzie bieź istotnych ciažkaściaŭ, bo da ŭviadzieńnia abaviazkovaj siertyfikacyi rychtavalisia nie pieršy hod.
Ciapier u Biełarusi pracuje kala 600 hatelaŭ, ale aficyjnyja siertyfikaty adpaviednaści peŭnaj katehoryi atrymali tolki 90 ź ich. Piać hatelaŭ majuć piać zorak, dziesiać — čatyry zorki, 44 — try zorki, dziesiać — dźvie zorki. Jašče 12 ustanoŭ majuć katehoryju «biez zorak». Akramia taho, siertyfikacyju prajšli dzieviać chostełaŭ.
Infarmacyju pra aficyjnuju siertyfikacyju hatelaŭ možna znajści na sajcie «Kačiestvo.bieł» u raździele «Siertyfikavanyja hateli Biełarusi». Tam paznačanyja katehoryi hatelaŭ i terminy dziejańnia ich siertyfikataŭ.
Ciapier čytajuć
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski1010
Kamientary