U Salihorsku kotka stała na indukcyjnuju plitu — zhareła ŭsia kvatera
Kotka zahinuła.
Sumnuju historyju ŭ Threads raspaviała Nastaśsia Łysak z Salihorska.
Siamja pajechała ŭ stalicu, doma za hałoŭnuju zastałasia kotka. Jak tak adbyłosia, niezrazumieła, ale chatniaja lubimica zmahła ŭklučyć indukcyjnuju plitu. Nastaśsia kaža, što sensar pracavaŭ davoli lohka.
Imavierna, prablemy ŭdałosia b paźbiehnuć, kali b na plicie ničoha nie było. Sučasnaja technika ŭ takich vypadkach chutka adklučajecca samastojna. Ale pa trahičnaj vypadkovaści tam stajaŭ rondal z supam. Kali vadkaść vykipieła, pačaŭsia pažar.
U vyniku zhareła kuchnia, paškodžanyja i inšyja pakoi — usie ścieny i stoli ŭ sažy. Špalery treba pieraklejvać, dźviery mianiać. Žančyna kaža, što strachoŭka ŭ ich była aformlena, ale jana nie pakryje ŭsie nieabchodnyja traty.
Sama kotka zahinuła — zadychnułasia ad dymu. Ciapier Nastaśsia zaklikaje ŭsich nie zabyvać stavić błakavańnie na plitach.
U kamientarach ludzi raskazvajuć, što traplali ŭ padobnyja situacyi: «Plita była zabłakavanaja, ale kotka razbłakavała ŭsio ž. Na ščaście, ja ź dziciom była doma i pabačyła pažar, chutka ŭsio patušyła. Strach ciapier zabiaśpiečany, navat nočču nie mahu spać spakojna, ja dumała, my zadychniomsia», «U mianie kotka razbłakavała plitu i ŭčyniła pažar, pakul ja śviatkavała 8 sakavika ŭ inšym horadzie. Z tych časoŭ ja vyklučaju plitu z razietki adrazu paśla hatavańnia», «Naš kot niejak uklučyŭ plitu, na jakoj stajaŭ rondal ź ježaj. Usia ježa zhareła, rondal čorny, ale abyšłosia. Z tych časoŭ na plicie zaŭsiody «dziciačy režym», navat kali ja doma», «U mianie adnojčy taksama kotki plitu ŭklučyli. Dobra, tolki toje, što na joj stajała, zhareła. Vielmi vam spačuvaju».
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary