Uradženiec Biełarusi vykanaŭ «Dzień Pieramohi» ŭ aeraporcie Varšavy — i trapiŭ va ŭkrainskuju bazu «Miratvorac»
Rolik muzyka nazvaŭ «Reakcyja palakaŭ nieacennaja», zaŭvažyŭ «Most».
Ivan Karalkievič apublikavaŭ u Instagram videa z aeraporta Varšavy, dzie na rajali, dastupnym dla ŭsich achvotnych, vykanaŭ savieckuju pieśniu «Dzień Pieramohi». Učynak vyklikaŭ šmat sprečak, a ŭkrainski centr unios muzykanta ŭ bazu «Miratvorac».
Ivan Karalkievič — bajanist i akardeanist rodam ź Biełarusi, ale šmat hadoŭ žyvie ŭ Maskvie. «Miratvorac» śćviardžaje, što ŭ jaho biełaruskaje hramadzianstva.
Na videa vidać, što pieśnia nie vyklikaje ŭ inšych pasažyraŭ ni zachapleńnia, ni nieprymańnia. Jany prachodziać mima, zredku pazirajučy na vykanaŭcu. Tym nie mienš rolik na YouTube Karalkievič nazvaŭ «Reakcyja palakaŭ nieacennaja».
«Uličvajučy ciapierašniuju abstanoŭku, ja doŭha nie dumajučy ŭziaŭ i praśpiavaŭ pieśniu «Dzień Pieramohi», — napisaŭ jon.
Pieravažnaja bolšaść kamientataraŭ u sacsietkach — hałoŭnym čynam rasijan — vykazvajuć muzykantu padtrymku. Mnohija adznačajuć, što jon zrabiŭ vielmi śmieły ŭčynak, i navat cikaviacca, ci ŭsio ŭ jaho ciapier dobra. Inšyja prapanujuć arhanizavać padobnyja akcyi va ŭsich aeraportach Jeŭropy.
Niekatoryja miarkujuć, što dla ciapierašniaha pakaleńnia palakaŭ vykananaja pieśnia — usiaho tolki tvor, pra sens jakoha jany nie zdahadvajucca.
Tolki asobnyja kamientatary źviarnuli ŭvahu muzykanta na niedarečny vybar.
«SSSR napaŭ na Polšču z roźnicaj u dva tydni… Čym vy hanaryciesia, hrajučy hetuju pieśniu???? Sajuzam i paradami z fašystami?» — napisała adna z karystalnic.
«SSSR u 1939 hodzie zachapiŭ pałovu Polščy, uklučajučy Brest, adznačyŭšy heta sumiesnym paradam ź niamieckimi vojskami, potym u 1940 hodzie ŭ Katyni i inšych miescach rasstralaŭ bolš za 20 000 palakaŭ — ćviet nacyi, a potym, u 1944-m, pry vyzvaleńni Polščy Čyrvonaja armija padstaviła pad poŭnaje źniščeńnie vojska Armii Krajovaj, rychtujučy Polšču da savieckaha pratektaratu. Cikava, jak paśla hetaha palaki pavinny da nas stavicca?» — zadajecca pytańniem jašče adzin karystalnik.
Na sajcie ŭkrainskaha centra «Miratvorac» Karalkievič nazvany pravakataram i ŭdzielnikam infarmacyjna-prapahandysckaj akcyi Rasii ŭ aeraporcie Varšavy.
-
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»
-
U prodažy źjaviłasia pašyranaje anhłamoŭnaje vydańnie knihi Alesia Bialackaha
-
«Chto praź viosku jedzie — spyniajecca, fatahrafuje». Biełaruska raskazała pra historyju viekavoha dreva na svajoj siadzibie
Kamientary
Jak ža tak, spadary Lićviny?! Heta ž naš, čamu jon hraje nie lićvinski Pałanez?!
Apraŭdvajciesia.