Prezident ZŠA Donald Tramp padčas vizitu ŭ Dublin zajaviŭ, što chacieŭ by ŭbačyć abjadnanuju Irłandyju, u skład jakoj uvajšła b i Paŭnočnaja Irłandyja, jakaja ciapier znachodzicca pad brytanskim kiravańniem, paviedamlaje Bi-bi-si.
Padčas vizitu ŭ Dublin Trampa spytali, jak jon stavicca da mahčymaści abjadnańnia Irłandyi. Jon adkazaŭ, što nie choča stvarać nijakich prablem, adnak asabista byŭ by vielmi rady ŭbačyć krainu abjadnanaj. Pavodle jaho słoŭ, u jaho jość siabry pa abodva baki miažy, a abjadnańnie stała b «vialikim honaram dla ŭsich».
Tramp taksama zajaviŭ, što, na jaho dumku, abjadnańnie Irłandyi ŭrešcie adbudziecca i što heta było b «vydatnaj rečču». Pry hetym jon adznačyŭ, što Vialikabrytanija taksama budzie mieć svajo mierkavańnie nakont takoha raźvićcia padziej.
Paźniej amierykanski prezident pasprabavaŭ rastłumačyć svaje słovy. Jon skazaŭ, što pytańnie ab abjadnańni Irłandyi adnosicca da tych tem, na jakija praktyčna niemahčyma dać dobry adkaz, niezaležna ad taho, jak mienavita jaho sfarmulavać. Adnak jon padkreśliŭ, što asabista ličyć abjadnańnie Irłandyi «vielmi kłasnaj» idejaj.
12 vieraśnia Tramp prybyŭ u Irłandyju z dvuchdzionnym vizitam. U Dublinie i Dunbiehu ŭ hrafstvie Kler u suviazi ź jaho pryjezdam byli zapłanavanyja akcyi pratestu.
Zakonaprajekt pra maštabnyja sankcyi suprać Rasii narešcie vyniesuć na hałasavańnie ŭ Pałacie pradstaŭnikoŭ ZŠA. Ale jaho mohuć zabłakavać demakraty
«Załataja epocha Amieryki». Tramp na źjeździe respublikancaŭ pachvaliŭ svaju pracu
Tramp zajaviŭ, što nie škaduje pra vajnu ź Iranam
Tramp paabiacaŭ pa 5 tysiač dalaraŭ kožnamu paŭnaletniamu amierykancu, kali respublikancy zachavajuć kantrol nad Kanhresam
Tramp zajaviŭ, što «Pucin choča zaklučyć ździełku»
Deputatka, jakaja rychtuje pryhažuń dla Łukašenki, vyjšła zamuž23
Kamientary