Tramp paabiacaŭ pa 5 tysiač dalaraŭ kožnamu paŭnaletniamu amierykancu, kali respublikancy zachavajuć kantrol nad Kanhresam
Amierykanski prezident, miarkujučy z usiaho, upieršyniu ŭ historyi abiacaje padobnyja vypłaty amierykancam u kantekście kampanii pryciahnieńnia hałasoŭ vybarščykaŭ.
Prezident ZŠA Donald Tramp paabiacaŭ vypłacić kožnamu paŭnaletniamu hramadzianinu ZŠA pa 5 tysiač dalaraŭ u vypadku, kali respublikancy zachavajuć kantrol nad Pałataj pradstaŭnikoŭ i Sienatam pa vynikach pramiežkavych vybaraŭ, što majuć adbycca ŭ pačatku listapada, piša Bi-bi-si.
Tramp zrabiŭ hetuju zajavu padčas vystupu na źjeździe Respublikanskaj partyi ŭ Dałasie, štat Techas.
«Kali respublikancy zachavajuć Pałatu pradstaŭnikoŭ i Sienat ZŠA, to dziakujučy našamu nievierahodnamu ekanamičnamu pośpiechu… ja vypłaču kožnamu paŭnaletniamu hramadzianinu Złučanych Štataŭ dyvidendy sumaj 5 tys. dalaraŭ», — skazaŭ prezident.
Jon rastłumačyŭ, što heta budzie «padobna da taho, jak paśpiachovyja kampanii vypłačvajuć dyvidendy inviestaram».
«Adzinaje abmiežavańnie ŭ tym, što dyvidendy pavinny być patračanyja ŭ ZŠA», — dadaŭ Tramp.
«My nie chočam, kab vy jechali ŭ Kanadu i tracili hrošy tam. My nie chočam, kab vy jechali ŭ Kitaj, Hiermaniju… Vy pavinny vydatkavać hrošy ŭ ZŠA», — skazaŭ jon.
Amierykanski prezident, miarkujučy pa ŭsim, upieršyniu ŭ historyi abiacaje padobnyja vypłaty amierykancam u kantekście kampanii pa pryciahnieńni hałasoŭ vybarščykaŭ.
Akramia taho, zastajecca niezrazumiełym, chto mienavita budzie nakiroŭvać hetyja srodki, jakim čynam amierykanski ŭrad budzie sačyć za tym, jak ich buduć vydatkoŭvać, dy i nakolki zakonnymi naohuł źjaŭlajucca takija vypłaty.
Tramp časta vyłučaje vielmi niezvyčajnyja idei padčas mitynhaŭ, kab pryciahnuć uvahu. U 2025 hodzie kolkaść paŭnaletnich žycharoŭ ZŠA składała kala 267 młn čałaviek.
Heta aznačaje, što dla vypłaty ŭsim im «dyvidendaŭ Trampa» sumaj 5 tys. dalaraŭ spatrebiłasia b 1,34 trłn dalaraŭ (zrešty, nie ŭsie žychary krainy źjaŭlajucca jaje hramadzianami).
Ciapier Demakratyčnaja partyja ŭ lidarach u bolšaści apytańniaŭ hramadskaj dumki, i ŭ jaje jość surjoznyja šancy atrymać kantrol nad Pałataj pradstaŭnikoŭ i navat Sienatam.
Padčas vystupu ŭ Techasie Tramp zajaviŭ, što paraza Respublikanskaj partyi ŭ listapadzie budzie aznačać, što amierykancy «straciać miežy, straciać źnižeńnie padatkaŭ i straciać biaśpieku».
«Vas znoŭ čakaje poŭnaje piekła, jak usiaho dva hady tamu», — dadaŭ prezident ZŠA.
Pavodle jaho słoŭ, ZŠA byli «paśmiešyščam dla ŭsiaho śvietu», ale ciapier ź ich bolš nichto nie śmiajecca.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary
achchacha