Prezident ZŠA Donald Tramp 9 vieraśnia zajaviŭ žurnalistam, što padpisańniu mirnaha pahadnieńnia pamiž Rasijaj i Ukrainaj «zaminaje nianaviść pamiž Zialenskim i Pucinym», piša Reuters.
Tramp paćvierdziŭ paviedamleńnie ad 8 žniŭnia pra razmovu z rasijskim prezidentam i skazaŭ, što pravioŭ «vydatnuju» hutarku ź im.
«U nas była vydatnaja razmova. Jon choča zaklučyć ździełku, i kali Zialenski taksama choča zaklučyć ździełku, heta było b dobra», — skazaŭ Tramp.
Hałoŭnaj pieraškodaj dla pačatku mirnaha pracesu, pa jaho słovach, zastajecca asabistaja niepryjaznaść pamiž Uładzimiram Pucinym i Uładzimiram Zialenskim.
«Heta dva čałavieki, jakija nienavidziać adzin adnaho», — skazaŭ Tramp.
Razmova Trampa z Pucinym adbyłasia paśla zaviaršeńnia misii amierykanskich śpiecpasłańnikaŭ Styva Uitkofa i Džareda Kušniera. Jany napiaredadni naviedali Maskvu i Kijeŭ u ramkach dypłamatyčnaj misii ZŠA, nakiravanaj na adnaŭleńnie pieramovaŭ ab spynieńni vajny.
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!5
Kamientary
[Zredahavana]