Прэзідэнт ЗША Дональд Трамп 9 верасня заявіў журналістам, што падпісанню мірнага пагаднення паміж Расіяй і Украінай «замінае нянавісць паміж Зяленскім і Пуціным», піша Reuters.
Трамп пацвердзіў паведамленне ад 8 жніўня пра размову з расійскім прэзідэнтам і сказаў, што правёў «выдатную» гутарку з ім.
«У нас была выдатная размова. Ён хоча заключыць здзелку, і калі Зяленскі таксама хоча заключыць здзелку, гэта было б добра», — сказаў Трамп.
Галоўнай перашкодай для пачатку мірнага працэсу, па яго словах, застаецца асабістая непрыязнасць паміж Уладзімірам Пуціным і Уладзімірам Зяленскім.
«Гэта два чалавекі, якія ненавідзяць адзін аднаго», — сказаў Трамп.
Размова Трампа з Пуціным адбылася пасля завяршэння місіі амерыканскіх спецпасланнікаў Стыва Уіткофа і Джарэда Кушнера. Яны напярэдадні наведалі Маскву і Кіеў у рамках дыпламатычнай місіі ЗША, накіраванай на аднаўленне перамоваў аб спыненні вайны.
Брат беларускай каралевы прыгажосці трапіў у рэанімацыю ў Азербайджане4
Каментары
[Зрэдагавана]