У другой палове дня 11 лістапада Узброеныя сілы Украіны атакавалі беспілотнікамі Омскую вобласць Расіі. Пра гэта паведаміў губернатар рэгіёна Віталь Хацэнка, хоць падрабязнасцяў і не прывёў, піша The Moscow Times.
Паводле звестак украінскага маніторынгавага канала Exilenova+, цэллю атакі стаў Омскі нафтаперапрацоўчы завод — найбуйнейшы ў Расіі. Прадпрыемства належыць кампаніі «Газпрам нафта» і мае магутнасць перапрацоўкі 22 мільёны тон нафты за год. Паводле інфармацыі на сайце завода, на яго долю прыпадае кожны шосты літр расійскага бензіну і дызельнага паліва пятага экалагічнага класа.
Мясцовыя жыхары паведамляюць пра траплянне беспілотніка ў тэрыторыю НПЗ. Аднак якасць апублікаваных фота і відэа не дазваляе пакуль упэўнена пацвердзіць, што завод сапраўды быў пашкоджаны, адзначае «Омскае грамадзянскае аб'яднанне».
У аэрапорце Омска часова спынілі прыём і адпраўку самалётаў. У горадзе таксама ўключылі сірэны, абмежавалі мабільную сувязь і доступ да інтэрнэту.
З меркаванняў бяспекі этап юніёрскага Гран-пры Расіі па фігурным катанні, які павінен быў прайсці ў Омску, перанеслі на 12—13 лістапада. Таксама адмянілі спектаклі ў мясцовых тэатрах.
Омскі НПЗ знаходзіцца прыкладна за 2,5 тысячы кіламетраў ад украінскай мяжы. Апошні раз завод атакавалі 8 кастрычніка. Акрамя таго, 24 кастрычніка беспілотнікі дасягнулі паўночнага прамысловага раёна Омска. Тады былі пашкоджаныя завод «Омскі каўчук», які вырабляе сыравіну для ракетнага паліва, і буйны склад анлайн-крамы Ozon у лагістычным парку «Сонечны». На абодвух аб'ектах узніклі пажары, якія мясцовыя жыхары здымалі на відэа.
Атака на Усць-Лугу: расійскія каналы паведамляюць пра гібель трох экіпажаў авіятэхнікі
Украінскія дроны другі раз з пачатку восені атакавалі найбуйнейшы порт Расіі на Балтыйскім моры
Украінскія беспілотнікі атакавалі Ленінградскую вобласць. Паведамляецца пра пажар на НПЗ у Кірышах
У Разані пасля атакі дронаў гарыць НПЗ, які забяспечвае палівам Маскву
Каментары