Na bierazie Dunaja kala bavarskaha Kirchrota ŭ rajonie Štraŭbinh-Bohien 66‑hadovaja žančyna padčas prahułki zaŭvažyła źmiaju daŭžynioj bolš za dva mietry, jakaja hrełasia na soncy. Jana adrazu zrazumieła, što heta nie miascovy vid, piša Euronews.
«Jana daŭžejšaja za našych zvyčajnych źmiej», — raskazała žančyna palicyi.
U hetym rehijonie dobra viadomyja zvyčajnyja i eskułapavyja vužy. Hetyja niejadavityja reptylii zvyčajna vyrastajuć maksimum da paŭtara mietra.
Na miesca prybyli palicyjanty i śpiecyjalistka pa reptylijach, jakaja chutka vyznačyła vid źmiei. Akazałasia, što heta anakonda — bujnaja źmiaja z padsiamiejstva ŭdavaŭ, jakaja pachodzić z Paŭdniovaj Amieryki.
Miarkujecca, što niekatory čas anakonda žyła ŭ jakaści chatniaj žyvioliny. Źmieja dazvoliła siabie złavić biez najmienšaha supracivu.
U Bavaryi ŭtrymańnie anakondy dazvalajecca tolki pry strohim vykanańni śpiecyjalnych patrabavańniaŭ, bo bujnyja ŭdavy adnosiacca da katehoryi niebiaśpiečnych dzikich žyvioł.
Anakondy mohuć vyrastać da dzieviaci mietraŭ u daŭžyniu i važyć kala 200 kiłahramaŭ. Nievialikija asobiny ŭ asnoŭnym charčujucca ptuškami. Dla samcoŭ heta zastajecca asnoŭnaj zdabyčaj na praciahu ŭsiaho žyćcia. Samki pa miery rostu pierachodziać na bolš bujnuju zdabyču — naprykład, kapibar i maładych aleniaŭ, a taksama kajmanaŭ.
Svaju zdabyču anakonda zabivaje, abvivajučysia vakoł jaje i ściskajučy cieła, paśla čaho prahłynaje achviaru całkam.
Na adnoj z hrodzienskich vulic zaŭvažyli mietrovaha vuža FOTY
Nastaŭnik bijałohii ŭ Pinsku prynosić na ŭroki źmiaju
Biełarus pajšoŭ hulać u les i sustreŭ «vuža na maksimałkach» FOTAFAKT
Hihanckaja źmiajuka napałochała ludziej u Mazyry. Vyśvietliłasia, što jaje vyhulvaŭ 12‑hadovy chłopčyk
Kroŭ mužčyny, jakoha bolš za 200 razoŭ kusali źmiei, stała asnovaj dla ŭniviersalnaha supraćjadździa
Kamientary
Bułhakaŭ pradbačyŭ heta, i napisaŭ svaje "Rokavy jajki"...