ES razhladaje abmiežavańni na vykarystańnie sacyjalnych sietak dziećmi
Siarod razhladanych varyjantaŭ — abmiežavańni dla dziaciej va ŭzroście da 13 hadoŭ albo zabarona da 15 hadoŭ.
Kiraŭnica Jeŭrakamisii Ursuła fon der Lajen maje namier na nastupnym tydni pradstavić płany pa abaronie dziaciej ad ryzyk, źviazanych z sacyjalnymi sietkami.
Siarod razhladanych varyjantaŭ — abmiežavańni dla dziaciej va ŭzroście da 13 hadoŭ albo zabarona da 15 hadoŭ z mahčymaściu dostupu padletkaŭ va ŭzroście ad 13 da 15 hadoŭ z dazvołu baćkoŭ.
Fon der Lajen nazvała siarod prablem dyzajn płatformaŭ, jaki vyklikaje zaležnaść, raspaŭsiudžvańnie ekstremalnaha kantentu i stvareńnie sieksualizavanych vyjavaŭ z dapamohaj štučnaha intelektu.
Kančatkovyja paramietry inicyjatyvy pakul uzhadniajucca, a terminy ŭniasieńnia adpaviednaha zakonaprajekta jašče nie vyznačanyja, paviedamlaje telehram-kanał «Naviny ŭ Litvie».
U pačatku tydnia prezident Francyi Emanuel Makron źviarnuŭsia da Ursuły fon der Lajen z prośbaj padrychtavać «jeŭrapiejski zakanadaŭčy akt», jaki zabaraniaŭ by dzieciam va ŭzroście da 15 hadoŭ karystacca sacyjalnymi sietkami.
Palityk zajaviŭ, što «ciapier vielmi važna pajści dalej i harmanizavać hetaje pałažeńnie z dapamohaj novaha jeŭrapiejskaha dakumienta».
Kanstytucyjny saviet Francyi 14 žniŭnia zabłakavaŭ adpaviedny nacyjanalny zakon. Vyšejšy orhan kanstytucyjnaha kantrolu ŭ Francyi rastłumačyŭ svaju pazicyju tym, što hetaje pałažeńnie parušaje svabodu vykazvańnia mierkavańniaŭ.
Zakonaprajekt źjaviŭsia paśla taho, jak francuzski orhan nahladu ŭ śfiery achovy zdaroŭja ŭ spravazdačy ad śniežnia 2025 hoda papiaredziŭ pra škodnaje ŭździejańnie na dziaciej takich płatformaŭ, jak TikTok, Instagram i Snapchat. Siarod patencyjnych ryzyk nazyvalisia źnižeńnie samaacenki, a taksama mahčymaje pavieličeńnie vypadkaŭ samapaškodžańnia, samahubstvaŭ i ŭžyvańnia narkotykaŭ.
-
Kanada viadzie kułuarnyja pierahavory ab statusie asacyjavanaha siabra Jeŭrasajuza
-
Zialenski ŭvioŭ sankcyi suprać svajoj byłoj pres-sakratarki Julii Miendel. Jaje vinavaciać u prarasijskaj prapahandzie
-
U Indaniezii pieraviarnuŭsia pasažyrski parom z 243 pasažyrami na borcie: 130 čałaviek źnikli bieź viestak
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks32
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary