Arenda žylla ŭ Biełarusi dla turystaŭ za hod padaražeła. Najbolš — u Niaśvižy
U Hrodnie ceny vyraśli na 6%, a ŭ Minsku — na 4%.
Arenda žylla ŭ Biełarusi dla turystaŭ za hod padaražeła na 4% — u siarednim da 180 rubloŭ za sutki. Takuju statystyku daje rasijski servis anłajn-reziervavańnia žylla «Sutočno.ru».
Pa infarmacyi servisu, u Minsku arandavać žyllo možna ŭ siarednim za 192 biełaruskija rubli za sutki, u Hrodnie — za 171 rubiel, u Niaśvižy — za 168 rubloŭ, u Breście — za 164 rubli, u Połacku — za 155 rubloŭ, u Lidzie — za 143 rubli, u Mahilovie i Viciebsku — za 141 rubiel, u Pinsku — za 140 rubloŭ, u Homieli — za 138 rubloŭ, piša TASS.
Pa danych analitykaŭ, macniej za ŭsio za hod cana arendy vyrasła ŭ Niaśvižy — na 13%. U Połacku pryrost skłaŭ 8%, u Hrodnie i Pinsku — 6%, u Minsku i Homieli — 4%, u Breście — 3%. U Lidzie i Mahilovie ceny, naadvarot, źnizilisia — na 18 i 2% adpaviedna.
Siaredni košt arendy žylla kala Naračy — 207 rubloŭ za dzień, kala Brasłaŭskich azior — 203 rubli.
Ciapier čytajuć
Biełaruski kładaŭščyk sa svastykaj na plačy lačyŭsia ad ałkahalizmu ŭ Sibiry i pajšoŭ vajavać za Rasiju, a zastaŭsia biez vypłat i pracy10
Kamientary