«Alesia» sychodzić u historyju. Likvidujuć adno z najstarejšych trykatažnych pradpryjemstvaŭ Biełarusi
Adno z najstarejšych biełaruskich pradpryjemstvaŭ lohkaj pramysłovaści — AAT «Alesia» — likvidujuć. Fabryka, jakaja viadzie svaju historyju z 1961 hoda, užo niekalki hadoŭ nie pracuje pa svaim asnoŭnym profili, a jaje terytoryju ŭ centry Minska płanujuć pieraŭtvaryć u žyły kvartał, piša vydańnie «Biełorusy i rynok».
Rašeńnie ab likvidacyi «Alesi» akcyjaniery pryniali 10 žniŭnia na pazačarhovym schodzie. Pryčynaj nazvanaja ekanamičnaja niemetazhodnaść dalejšaj haspadarčaj dziejnaści. Praktyčna ŭvieś pakiet akcyj pradpryjemstva — 99,3% — naležyć kancernu «Biellehpram», tamu vynik hałasavańnia byŭ pradkazalny.
Svaje najlepšyja časy fabryka pieražyła jašče ŭ pačatku 1990‑ch hadoŭ. Mienavita tady jaje akcyjaniery ŭkłali srodki ŭ budaŭnictva elitnaha šmatpaviarchovika na skryžavańni byłoj vulicy Varvašeni i Krapotkina.
Adnak z 2000‑ch hadoŭ u «Alesi» pačalisia finansavyja i vytvorčyja prablemy. Pradpryjemstva mahło ŭvajści ŭ šviejny chołdynh łatvijskaha biznesmiena Vasila Mielnika, ale dziaržava nie dała ažyćciavicca hetaj ździełcy.
Užo z kanca 2010‑ch hadoŭ «Alesia» faktyčna nie zajmałasia vytvorčaściu trykatažnaha adzieńnia. Da niadaŭniaha času asnoŭnaj krynicaj dachodu była zdača pamiaškańniaŭ u arendu. Imi karystalisia kala sta jurydyčnych asob i indyvidualnych pradprymalnikaŭ.
Ciapier i hetuju dziejnaść pradpryjemstva pavinna spynić. Pryčyna — płany ŭładaŭ Minska pa zabudovie terytoryi byłoj fabryki.
Jašče ŭ 2025 hodzie staršynia kamiteta architektury i horadabudaŭnictva Minharvykankama Viktar Hućko paviedamiŭ, što terytoryja «Alesi» ŭvachodzić u lik pieršych vytvorčych zon, jakija płanujuć asvoić. Učastak znachodzicca ŭ centralnaj častcy horada i niedaloka ad budučaj treciaj linii mietro, tamu tut płanujecca žyłoje budaŭnictva.
Zbankrutavała firma, jakaja chacieła ŭkłaści ŭ vypusk suchoj sadaviny paŭmiljona dalaraŭ
Połacki małočny kambinat pryznali bankrutam
Pajšła ŭ bankructva firma, jakaja źbirałasia vypuskać aŭtamabili Zubr
Zahnuŭsia biznes člena chakiejnaj kamandy Łukašenki, jaki abiacaŭ pabudavać łyžny maniež za Viarchoŭnym sudom uzamien na łasyja ŭčastki
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4646
Kamientary