Japonija zapatrabavała demantavać u Chabaraŭsku pomnik savieckamu sałdatu, jaki pastavili dva dni tamu
Tokia aburyŭ pomnik savieckamu sałdatu, jaki prykładam vintoŭki raźbivaje pahraničny znak z chryzantemaj. Hetaja kvietka — adzin z nacyjanalnych simvałaŭ Japonii i emblema impieratarskaha doma.
Japonija zapatrabavała ad Rasii demantavać adkryty ŭ Chabaraŭsku pomnik pieramozie nad Japonijaj u Druhoj suśvietnaj vajnie.
Premjer-ministarka Japonii Sanae Takaici nazvała manumient «całkam nieprymalnym». Ministr zamiežnych spraŭ Tasimicu Matehi zajaviŭ, što jon abražaje nacyjanalnyja pačućci japoncaŭ i nie spryjaje adnosinam pamiž krainami.
«Praz dypłamatyčnyja kanały my rašuča zapatrabavali ad rasijskaha boku admovicca ad ustalavańnia i demantavać pomnik», — skazaŭ Matehi.
Maskva pakul nijak nie adkazała.
Manumient adkryli 4 vieraśnia i pryśviacili razhromu Japonii ŭ 1945 hodzie. Heta 15‑mietrovaja bronzavaja fihura savieckaha sałdata, jaki prykładam vintoŭki raźbivaje znak z chryzantemaj — emblemaj japonskaha impieratarskaha doma.
Sprečka vakoł pomnika ŭźnikła na fonie novaha abvastreńnia adnosin Maskvy i Tokia. U žniŭni Uładzimir Pucin upieršyniu za čas svajho kiravańnia naviedaŭ adzin z Kurylskich astravoŭ, na jakija pretenduje Japonija. Tokia ličyć čatyry paŭdniovyja astravy hrady svajoj terytoryjaj. Praz hetuju sprečku Rasija i Japonija dahetul nie zaklučyli mirnaha dahavora paśla Druhoj suśvietnaj vajny.
Ciapier čytajuć
Hetaja biełaruskaja instazorka dajšła da Playboy — ale, u adroźnieńnie ad mnohich, nie spyniłasia2
Kamientary