Kiraŭnik MZS Rasii paraŭnaŭ dziejańni Hiermanii z padziejami napiaredadni Druhoj suśvietnaj vajny.
Siarhiej Łaŭroŭ nazvaŭ dziejańni Hiermanii paśla vyjaŭleńnia zaminavanych dronaŭ kala aeraporta Lejpcyh/Hale «pačatkam sapraŭdnaj vajny». Pra heta jon zajaviŭ u intervju rasijskamu prapahandystu Paŭłu Zarubinu.
«Lejpcyh, aeraport… Znajšli niejki tam dron. Skazali: heta rasijski dron. Nichto nie staŭ raźbiracca. Heta, uvohule, pa vialikim rachunku, pačatak takoj vajny sapraŭdnaj», — skazaŭ Łaŭroŭ.
U pačatku žniŭnia kala aeraporta Lejpcyh/Hale znajšli niekalki bieśpiłotnikaŭ z vybuchoŭkaj. Adzin ź ich znachodziŭsia pobač z ukrainskim vajskova-transpartnym samalotam, druhi — niepadalok ad aeraporta.
Ministr unutranych spraŭ Hiermanii Alaksandr Dobrynt zajaviŭ, što vykanaŭcy «hibrydnaj ataki» dziejničali na zamovu rasijskich dziaržaŭnych struktur. Paśla hetaha Hiermanija zakryła rasijskaje hienieralnaje konsulstva ŭ Bonie i «Rasijski dom» u Bierlinie, a taksama ŭzmacniła kantrol za rasijanami, jakija ŭjazdžajuć u krainu.
«Ja pamiataju, što pierad pačatkam Druhoj suśvietnaj vajny, Vialikaj Ajčynnaj vajny, dakładniej, niemcy taksama svaje dypłamatyčnyja misii zakryvali», — prakamientavaŭ heta Łaŭroŭ.
Jon taksama zajaviŭ, što kancler Frydrych Mierc «idzie, nu, pa sutnaści, abviaščać nam vajnu».
«Akazałasia, što voś hetyja mietastazy nacyzmu pačynajuć prabivacca. Heta niebiaśpiečnaja źjava. Mnie zdajecca, rasijskaje kiraŭnictva zrobić adpaviednyja vysnovy», — dadaŭ kiraŭnik MZS Rasii.
Tym časam niamieckija ŭłady rychtujuć płan baraćby z rasijskimi hibrydnymi atakami. U dzieviaci stratehična važnych haradach płanujuć raźmiaścić śpiecyjalnyja palicejskija padraździaleńni dla baraćby z dronami. Jany buduć achoŭvać aeraporty, vakzały, uradavy kvartał u Bierlinie i inšyja abjekty krytyčnaj infrastruktury.
Ciapier čytajuć
Deputatka, jakaja rychtuje pryhažuń dla Łukašenki, vyjšła zamuž20
Kamientary
Łavrov, tiebie na visielicie visieť!
...a čto eto rašinskich botov nietuti?
Šašłyki žrut, a s poniedielnika O5 za svojo?)