Žančyna pakazała stan tualeta ŭ «Biełmytservisie» ŭ centry Minska. Tam paprasili prabačeńnia
«Moj šok u šoku». A ludzi ŭ kamientach nakidali śpis inšych takich prybiralniaŭ.
Naviednica źniała sanvuzieł u centry akazańnia pasłuh dziaržaŭnaha pradpryjemstva na Mahiloŭskaj, 41. U «Biełmytservisie» paabiacali ramont.
Žančyna apublikavała ŭ Threads videa tualeta ŭ budynku na vulicy Mahiloŭskaj, 41, u Minsku.
«Moj šok u šoku. Heta nie film žachaŭ. Heta tualet u dziaržaŭnaj arhanizacyi, jakaja biare hrošyki za kožnuju papierku», — napisała jana i prapanavała padpisčykam adhadać miesca.
Akazałasia, što hetaja prybiralnia znachodzicca ŭ centry akazańnia pasłuh RUP «Biełmytservis». Pradstaŭniki arhanizacyi adreahavali na publikacyju.
«My zhodnyja z vami: stan sanitarnych pakojaŭ na momant vašaha vizitu nieprymalny», — zajavili ŭ «Biełmytservisie».
Tam patłumačyli, što raniej arandavali pamiaškańnie, a niadaŭna stali ŭłaśnikami budynka. Ramont paabiacali zrabić «u najbližejšaj pierśpiektyvie», dadaŭšy, što naviednica trapiła ŭ «pierachodny pieryjad».
U kamientaryjach biełarusy pačali zhadvać inšyja miescy z prablemnymi prybiralniami.
«Vy jašče nie bačyli tualet u haradskim pasiołku Mir, na płoščy, kudy pryjazdžajuć turysty, u tym liku zamiežnyja. Tudy prosta niemahčyma zajści: usio ljecca na padłohu, patrebnyja humovyja boty i kaścium chimičnaj abarony. Kažuć, na terytoryi zamka jość płatny — idzicie tudy».
«U navučalnym centry DTSAAF na vulicy Ihnacienki, 7, toje samaje. Pra ramont navat unitazaŭ tam, vidać, nie marać».
«U Łahojsku ŭ budynku BTI prybiralni ŭvohule niama — jana na vulicy i prykładna ŭ takim ža stanie».
Prybiralniu ŭ «Biełmytservisie» tym časam paraŭnali z dekaracyjami da filma žachaŭ.
«Vajb «Sajlent Chiła».
«Navat kali vielmi chočacca — zojdzieš i rezka pierachočacca».
«Tam nie palčatki patrebnyja, a pierfaratar. Usio źnieści i zrabić nanova».
«Ščyra kažučy, takoje bačyła tolki hadoŭ dziesiać tamu».
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary