U Miadziele mužčyna pastaviŭ na parkoŭku zamiest mašyny taburetku
U Miadziele žychar adnaho z dvaroŭ vyrašyŭ zamacavać za saboj parkovačnaje miesca z dapamohaj samarobnaj kanstrukcyi. Dla hetaha jon pastaviŭ na parkoŭcy taburetku, da jakoj prymacavaŭ ciažki hruz, piša narachanka.by.
Videa niezvyčajnaha prystasavańnia apublikavali ŭ tyktoku. Za sutki rolik sabraŭ amal 20 tysiač prahladaŭ.
Na videa vidać, što pobač z taburetkaj na asfalcie farbaj paznačany numar kvatery aŭtaŭładalnika, vidavočna, kab pakazać, dla kaho pryznačana hetaje miesca. Aŭtar videa ździŭlajecca, kolki kiłahramaŭ hruzu haspadar prymacavaŭ da taburetki.
Jon taksama adznačaje, što zimoj žadańnie žychara zachoŭvać za saboj rasčyščanaje ad śniehu miesca jašče možna było b niejak zrazumieć. Adnak letam takoje samavolnaje «reziervavańnie» parkoŭki vyhladaje niedarečna.
Karystalniki sacyjalnych sietak taksama nie ŭchvalili ŭčynak i nahadali, što za padobnyja dziejańni moža pahražać štraf.
Na situacyju ŭžo źviarnuła ŭvahu Dziaržaŭtainśpiekcyja. U DAI paviedamili, što ŭ dziejańniach žychara Miadzieła mohuć być prykmiety administracyjnaha pravaparušeńnia. Pavodle artykuła 18.29 Kodeksa ab administracyjnych pravaparušeńniach Biełarusi, za paškodžańnie abo zabrudžvańnie aŭtamabilnaj darohi ci inšaha darožnaha zbudavańnia praduhledžany štraf ad dźviuch da piaci bazavych adzinak.
Pa hetym fakcie pravodzicca pravierka.
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary