Ukrainski kamandzir Bilecki: Biełarusy — takija ž, jak ukraincy, ale ŭ ich niama maralnaj tradycyi ŭzbrojenaj baraćby za niezaležnaść
Adzin z najbolš viadomych ukrainskich kamandziraŭ, zasnavalnik pałka «Azoŭ», a ciapier kamandzir Treciaha armiejskaha korpusa USU Andrej Bilecki paraŭnaŭ biełarusaŭ i ŭkraincaŭ i patłumačyŭ, u čym bačyć hałoŭnaje adroźnieńnie pamiž dvuma narodami.
«Čym ukraincy adroźnivajucca ad biełarusaŭ? Voś mnie zdajecca, što kulturna, antrapałahična — asabliva ničym. Pytańnie ŭ tym, što ŭ biełarusaŭ niama surjoznaj tradycyi, maralnaj tradycyi ŭzbrojenaj baraćby za niezaležnaść ichniaj krainy. A va ŭkraincaŭ hetaja tradycyja jość i była», — zaŭvažyŭ Andrej Bilecki ŭ videa na ŭkrainskim YouTube-kanale «Bombardir».
Na dumku Bileckaha, tradycyja ŭzbrojenaj baraćby nie ŭźnikaje sama pa sabie i nie źjaŭlajecca abstrakcyjaj. Za joj stajać kankretnyja ludzi i ich učynki. U jakaści prykładaŭ takoj pierajemnaści va ŭkrainskaj historyi jon nazvaŭ armiju Ukrainskaj Narodnaj Respubliki, Ukrainskuju Halickuju armiju, Ukrainskuju paŭstanckuju armiju i Ukrainskuju vajskovuju arhanizacyju.
Asobna Bilecki spyniŭsia na postaci pieršaha kiraŭnika Arhanizacyi ŭkrainskich nacyjanalistaŭ (AUN) Jaŭhiena Kanavalca, pareštki jakoha ŭ žniŭni hetaha hoda pieravieźli va Ukrainu i pierapachavali ŭ Kijevie.
Pavodle Bileckaha, Kanavalec byŭ nie adzinym stvaralnikam ukrainskaj tradycyi ŭzbrojenaj baraćby, a staŭ uvasableńniem «učynkaŭ, maraŭ, voli, potu i kryvi» mnohich ludziej.
«Hetyja ludzi dali nam tradycyju dziaržaŭnaści i tradycyju ŭzbrojenaj baraćby. Voś hetym my adroźnivajemsia ad biełarusaŭ. Tamu Biełaruś ciapier źjaŭlajecca haŭlajtarstvam Rasijskaj Fiederacyi, a Ukraina źjaŭlajecca dziaržavaj, jakaja zmahajecca, z akupavanymi terytoryjami, ale niezaležnaj dziaržavaj», — miarkuje Andrej Bilecki.
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku12
Kamientary