Jana apiaredziła Merylin Manro i Odry Chiepbiorn — navat siarod pakaleńnia Z, pradstaŭniki jakoha naradzilisia ŭžo paśla jaje śmierci.
Pryncesa Dyjana zaniała pieršaje miesca ŭ rejtynhu žanočych ikon stylu, składzienym pavodle apytańnia dźviuch tysiač čałaviek u Vialikabrytanii, piša Daily Mirror.
Dyjanu vybrali 32% apytanych. Druhoje miesca zaniała Merylin Manro z 22%, treciaje — Odry Chiepbiorn z 16%. Dalej iduć Ketryn, pryncesa Uelskaja, Biejonse, Ryjana, Madonna, Hrejs Kieli, Dženifier Enistan i Dženifier Łopies.
Biełuju sukienku Merylin Manro ź filma «Śvierb siomaha hoda» nazvali samym znakamitym uboram u historyi. Za jaje prahałasavali 15% respandentaŭ.
Znakamitaja čornaja «sukienka pomsty» pryncesy Dyjany nabrała 12%.
Siarod mužčyn hałoŭnaj ikonaj stylu pryznali Devida Biekchema — jaho vybraŭ kožny piaty ŭdzielnik apytańnia. Za im raźmiaścilisia Ełvis Preśli i Devid Boŭi.
Kala 90% apytanych ličać, što znakamitaści minułych pakaleńniaŭ apranalisia bolš stylna, čym sučasnyja.
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju84
Kamientary