Łaŭreat Nobieleŭskaj premii miru, były palitźniavoleny Aleś Bialacki adreahavaŭ na hieraičnaje viartańnie Andreja Pačobuta ŭ Biełaruś. Addajučy naležnaje jahonamu ŭčynku, jon u toj ža čas zaścierahaje inšych ad sprob prosta ciapier iści šlacham hetaha byłoha palitźniavolenaha.
«8 vieraśnia. Andžej Pačobut viarnuŭsia ŭ Biełaruś. Heta śviedčyć, što jon śmieły čałaviek i hatovy ryzykavać, dabivajučysia svaich metaŭ.
Ci kaža heta pra toje, što situacyja źmianiłasia i ŭ Biełaruś pryjšła adliha? Nie. U 30‑ia hady na budaŭnictva Biełamorkanała, jaki budavali palityčnyja źniavolenyja, vazili piśmieńnikaŭ, u tym liku i biełaruskich, kab pakazać, jak praca pieravychoŭvaje «złačyncaŭ». Nieŭzabavie i niekatoryja ź ich apynulisia na inšych hułahaŭskich novabudoŭlach.
Nie raju inšym palityčnym uciekačam paŭtarać toje, što zrabiŭ Andžej, kab siedziačy ŭ kałonii potym nie dakarać siabie za davierlivaść. Chacieŭ by i ja tak. Ale ž novuju kryminalnuju spravu ŭzbudzili miesiac tamu. Pryjdziecca jašče trochi pačakać», — piša Bialacki ŭ fejsbuku.
Kamientary
[Zredahavana]