Źjezd Sajuza palakaŭ u Biełarusi adkłali. Ale Pačobut usio adno pajedzie ŭ Hrodna
Źjezd Sajuzu palakaŭ u Biełarusi, u jakim płanavaŭ udzielničać były palitviazień Andrej Pačobut, pieranieśli. Mierapryjemstva pavinna było prajści 13 vieraśnia, ale ŭ pryznačany termin nie adbudziecca.
Rašeńnie ad pieranosie mierapryjemstva «praz prablemy z łahistykaj» pryniała Hałoŭnaja rada SPB na pasiadžeńni ŭ Biełastoku. Novuju datu mierapryjemstva pakul nie vyznačyli. Čakajecca, što źjezd adbudziecca na praciahu nastupnych šaści miesiacaŭ.
Andrej Pačobut, adnak, zajaviŭ, što pieranos mierapryjemstva nie paŭpłyvaje na jahonyja płany viarnucca ŭ vieraśni ŭ Hrodna.
Andrej Pačobut — žurnalist Gazeta Wyborcza i adzin ź lidaraŭ polskaj mienšaści ŭ Biełarusi. Jaho zatrymali ŭ Hrodnie ŭ sakaviku 2021 hoda, a ŭ lutym 2023‑ha asudzili na vosiem hadoŭ kałonii pavodle abvinavačańniaŭ u «raspalvańni varožaści» i «zaklikach da dziejańniaŭ, nakiravanych na naniasieńnie škody nacyjanalnaj biaśpiecy». Padstavaj dla pieraśledu, siarod inšaha, stali jaho publikacyi i pohlady na histaryčnyja padziei.
28 krasavika 2026 hoda jaho vyzvalili paśla bolš jak piaci hadoŭ niavoli ŭ miežach abmienu pamiž Biełaruśsiu i Polščaj i pieradali polskamu boku. Sam Pačobut namahaje, što jahony dom zastajecca ŭ Hrodnie.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki25
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu1010
Kamientary