Sustreča adbyłasia 2 vieraśnia ŭ Vatykanie paśla ahulnaj aŭdyjencyi i doŭžyłasia niekalki chvilin. Paśla sustrečy z papam Rymskim Lvom XIV były palitviazień Andrej Pačobut raskazaŭ Polskamu pres-ahienctvu, što adčuŭ unutrany spakoj.
Andrej Pačobut adznačyŭ, što dla katalika sustreča z papam — asablivaja padzieja. Pavodle jaho słoŭ, apošnija miesiacy byli vielmi nasyčanymi, a pierad viartańniem u Biełaruś jon adčuvaŭ usio bolšaje ŭnutranaje napružańnie. Ciapier ža paśla razmovy z pantyfikam jamu stała značna spakajniej.
Padčas sustrečy Pačobut paprasiŭ Papu błahasłavić Biełaruś, jaho siamju i Sajuz palakaŭ Biełarusi. Jon taksama pieradaŭ jamu kopiju abraza Maci Božaj Kanhrehackaj, jaki niekalki stahodździaŭ tamu trapiŭ z Apostalskaj stalicy ŭ Hrodna i staŭ adnym ź simvałaŭ polskaha katalictva. Pačobut paprasiŭ błahasłavić hety abraz, kab paśla jon viarnuŭsia ŭ Hrodna i zastaŭsia ŭ Sajuzie palakaŭ Biełarusi.
Havoračy pra stanovišča palakaŭ u Biełarusi, Pačobut adznačyŭ, što jano zastajecca składanym. Paśla vyzvaleńnia jon pravioŭ šmat razmoŭ z pradstaŭnikami Sajuza palakaŭ i ciapier viedaje pra situacyju značna bolš. Pavodle jaho słoŭ, najbližejšym časam stanie zrazumieła, jak jana vyhladaje na samoj spravie.
Uspaminajučy hady źniavoleńnia, Pačobut raskazaŭ, što Kalady i Vialikdzień u turmie ničym asabliva nie adroźnivalisia ad inšych dzion. Adnojčy ŭ kamiery na 12 čałaviek razam ź im znachodziŭsia tolki jašče adzin katalik, a astatnija byli pravasłaŭnymi. Niahledziačy na heta, jon sabraŭ usich za stałom i padzialiŭsia ź imi apłatkaj. Adnojčy apłatka, jakuju jamu pieradali ź inšaha turemnaha korpusa ad polskaha źniavolenaha, ledź nie stała sapraŭdnym cudam.
Pra śmierć papy Franciška Pačobut daviedaŭsia sa značnym spaźnieńniem, bo ŭ toj pieryjad jaho ŭžo ŭtrymlivali va ŭzmocnienaj izalacyi. Pra abrańnie Lva XIV jon pačuŭ ź dziaržaŭnaha biełaruskaha radyjo, jakoje časam uklučali ŭ turmie.
Ciapier Pačobut pracuje nad knihaj pra svoj žyćciovy dośvied. Jon pryznajecca, što choča raskazać pra piać hadoŭ źniavoleńnia padrabiazna, bo navat samaje doŭhaje intervju nie dazvalaje pieradać usio pieražytaje. Pavodle jaho słoŭ, jon spadziajecca pastavić u hetaj knizie kropku i takim čynam zakryć dla siabie hetu historyju.
Pačobut taksama pryznaŭ, što hady źniavoleńnia pakinuli paśla siabie psichałahičnyja nastupstvy. Adnak jon kaža, što spraŭlajecca ź imi.
Pačobut: U vieraśni ja viarnusia ŭ Biełaruś, kab pašyrać tam prastoru dla svabody vykazvańnia
Pačobut: Pajedu ŭ Biełaruś na pačatku vieraśnia. Skonču jašče niekalki spraŭ i pajedu
Andrej Pačobut atrymaŭ arendnuju kvateru ŭ Biełastoku
Andrej Pačobut paprasiŭ premjera Polščy vydavać biełarusam dakumient zamiežnika minimum na try hady
Ciapier čytajuć
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta2
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary
[Zredahavana]
Pryjdzie tvoj Čas !