Mierc zajaviŭ pra vyrašalnyja tydni i miesiacy ŭ supraćstajańni z Rasijaj
Fiederalny kancler Hiermanii Frydrych Mierc zajaviŭ, što Bierlin budzie rabić usio mahčymaje dla praciahu padtrymki Ukrainy ŭ vajnie suprać rasijskaha ŭvarvańnia. Jon taksama papiaredziŭ pra vielmi surjoznyja nastupstvy dla Jeŭropy ŭ vypadku pieramohi Rasii. Pra heta palityk skazaŭ 14 vieraśnia na Jeŭrapiejskim arktyčnym samicie ŭ Finlandyi.
Pa słovach niamieckaha kanclera, Jeŭropa ciapier pieražyvaje adzin z klučavych etapaŭ vajny. Jon padkreśliŭ, što nie choča pakidać nijakich sumnieńniaŭ u tym, što niamiecki ŭrad maje namier i nadalej padtrymlivać Ukrainu.
«Ja nie chaču pakidać nijakich sumnieńniaŭ u tym, što moj urad robić usio mahčymaje, kab padtrymać Ukrainu ŭ baraćbie suprać hetaj ahresii. Ja zrablu ŭsio mahčymaje, kab zachavać našu padtrymku i pierakanać ludziej, što heta adpaviadaje našym intaresam», — zajaviŭ Mierc.
Jon dadaŭ, što, vierahodna, ciapier nastupajuć vyrašalnyja momanty, tydni abo miesiacy ŭ spravie abarony svabody i miru ŭ Jeŭropie.
Pry hetym kancler pryznaŭ, što ŭ Hiermanii i inšych krainach Jeŭrasajuza praciahvajucca sprečki nakont dalejšaj padtrymki Ukrainy. U častki nasielnictva isnujuć sumnievy adnosna takoj palityki. Adnak, pavodle Mierca, padčas kožnaha abmierkavańnia jeŭrapiejskija krainy znoŭ prychodziać da vysnovy, što im nieabchodna dziejničać razam dziela zaviaršeńnia vajny.
«My heta abmiarkoŭvajem. My znoŭ i znoŭ prychodzim da adnych i tych ža vysnoŭ: ciapier my pavinny trymacca, pakul hetaja žachlivaja vajna nie skončycca. Kali Rasija dasiahnie pośpiechu, heta budzie mieć niepradkazalnyja i biesprecedentnyja nastupstvy dla ŭsich nas, u tym liku dla Hiermanii. I mienavita tamu ja ćviorda i vyrazna staju na svajoj pazicyi i nie žadaju adstupać ni na santymietr. Ciapier naš histaryčny abaviazak — zrabić usio mahčymaje, kab dapamahčy hetaj krainie zachavać mir i svabodu ŭ Jeŭropie», — skazaŭ niamiecki kancler.
Donald Tramp zajaviŭ, što Rasija i Ukraina pahadzilisia na enierhietyčnaje pieramirje
Tramp zajaviŭ pra dałučanaść dyrektara CRU da vyrašeńnia kanfliktu va Ukrainie
Donald Tusk dapuskaje pramyja rasijskija ŭdary pa terytoryi Polščy ŭ najbližejšy čas
Lidarka «Alternatyvy dla Hiermanii» zapatrabavała vysłać ukrainskich mužčyn i vystavić Kijevu rachunak za škodu
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki25
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu1010
Kamientary