Vienhr na čempijanacie śvietu ŭ Bierlinie niečakana zrabiŭ «chod Biełaruśsiu» i pieramoh
Na čempijanacie śvietu pa GeoGuessr, jaki prajšoŭ u Bierlinie, pieramoh 21‑hadovy vienhierski hulec Sabalč Debre. U adnym z vyrašalnych raŭndaŭ jon vykarystaŭ niezvyčajny pryjom, viadomy jak «chod Biełaruśsiu», i dziakujučy jamu zdoleŭ bližej za supiernika vyznačyć miesca, dzie byŭ zrobleny zdymak, paviedamlaje rtvi.us.
GeoGuessr — braŭziernaja hulnia, u jakoj udzielnikam pakazvajuć vypadkovyja vyjavy z servisu Google Street View, a jany pavinny vyznačyć ich miesca na karcie. Čym mienšaja adlehłaść pamiž adkazam hulca i sapraŭdnym miescam zdymki, tym bolš bałaŭ jon atrymlivaje.
Zvyčajna ŭdzielniki aryjentujucca na navakolny piejzaž, nadpisy, darožnyja znaki, asablivaści ruchu i inšyja prykmiety. Čempijanaty śvietu pa hetaj hulni pravodziacca z 2023 hoda.
U finale 5 vieraśnia Debre hulaŭ suprać francuza Maćje Ue, viadomaha jak Blinky. Pierad apošnim raŭndam hulcam pakazali zdymak mosta praz raku, na jakim znachodzilisia dva rybaki. Na zadnim płanie byli pryvatnyja damy, płaty i ciaplica.
Francuz vyrašyŭ, što heta Ukraina, a vienhr niečakana pastaviŭ kropku na Biełarusi. Takoje rašeńnie ździviła kamientataraŭ, bo Biełaruś nie maje aficyjnaha pakryćcia Google Street View.
Adnak «biełaruski chod» spracavaŭ. Vybranaje Debre miesca akazałasia bližej da sapraŭdnaha. Nasamreč fatahrafija była zroblena ŭ Rasii, niedaloka ad miažy z Estonijaj.
Prychilniki GeoGuessr vysoka acanili niezvyčajnaje rašeńnie. U supolnaści hulni jaho nazvali adnym z samych zapaminalnych momantaŭ u historyi spabornictvaŭ i adznačyli, što raniej taki pryjom u finałach čempijanataŭ, pavodle ich źviestak, nie vykarystoŭvaŭsia.
Sutnaść «chodu Biełaruśsiu» zaklučajecca ŭ zdahadcy, što kali piejzaž nahadvaje Uschodniuju Jeŭropu, to varta ryzyknuć i vybrać Biełaruś, navat niahledziačy na adsutnaść aficyjnych zdymkaŭ Google Street View.
Žančyna pakazała stan tualeta ŭ «Biełmytservisie» ŭ centry Minska. Tam paprasili prabačeńnia
U Bresckaj krepaści źbirajucca adnavić most na Pahraničny vostraŭ. Tak budzie praściej turystam
«Padlašša niedaacenienaje novymi emihrantami». Biełarus stvaraje fotaprajekt, pryśviečany akanicam chat na polskim pamiežžy
Kitajskich błohieraŭ paviazuć pa zamkach i na «Liniju Stalina»
Rasijskija strymiery iduć pieššu z Maskvy ŭ Minsk, kab pacisnuć ruku Łukašenku
Ciapier čytajuć
U Minsku pradajuć dom na vadzie. Kolki prosiać za niezvyčajny abjekt na Čyžoŭskim vadaschoviščy?2
Kamientary
A ŭ videatranślacyi možna ŭbačyć i emocyi, i toje fota z rybakami, miesca jakoha šukali.
Čamu b nie prosta-chutka kapiravać navinu z apošniaj krynicy kožny raz, a jašče i trochi dadać da jaje?