Vyrašana pabudavać try puciepravody praz čyhunku, kab źnizić nahruzku na vulicy. Pra heta raspavioŭ staršynia Minharvykankama Uładzimir Kucharaŭ u intervju haziecie «Viačerni Minsk».
Try novyja masty praz čyhunku złučać vuł. Kaleśnikava i Ratamskuju, Čurlonisa i Karžanieŭskaha, a taksama Łošycu ź mikrarajonam Siarova. U płanach taksama budaŭnictva mosta praz raku Śvisłač ad vuł. Maniuški da vuł. Malinina.
— Takim čynam, kab trapić u susiedni mikrarajon, zusim nie treba budzie jechać u abjezd stalovaj mahistrali praciahłaściu ŭ niekalki kiłamietraŭ. Pad puciepravodami, jakija złučać Lebiadziny z Kamiennaj Horkaj i Brylevičy z Kurasoŭščynaj, płanujecca abstalavać parkovačnyja miescy dla aŭtamabilaŭ, — skazaŭ staršynia Minharvykankama.
U najbližejšaj budučyni prykmietna skarocicca ruch vialikahruznych aŭtamabilaŭ pa MKAD. Vuł. Babuškina praciahvajuć u napramku MKAD-2. Paśla adkryćcia novaj darohi pramysłovy vuzieł Kaladzičy atrymaje druhi vyjezd. Ciapier tudy možna trapić tolki z MKAD.
Taksama ŭ płanach — budaŭnictva mosta, jaki złučyć vuł. Śvisłackuju z vuł. Sialickaha.
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt11
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary
Nu choć pra tramvaj da Łahojska ŭžo maŭčać.
I "Minsk-Naviny" pravilna vykarystoŭvajuć terminałohiju, a tut u pierakazie - nie. Taki siurpryz. Most - praz raku, puciepravod - praz čyhunku abo inšuju darohu.