U noč na 22 žniŭnia ŭ Čapajeŭsku Samarskaj vobłaści paśla ataki bieśpiłotnikaŭ zahareŭsia raźmierkavalny kompleks markietplejsa OZON u Čapajeŭsku.
Jak piša ASTRA, usiaho za kiłamietr ad pałajučaha składa znachodziacca dva bujnyja abaronnyja pradpryjemstvy: AAT «Pramsintez» (vytvorca pramysłovaj vybuchoŭki, u tym liku traciłu) i AAT «Palimier» (vytvorca zbroi, bojeprypasaŭ i vybuchovych rečyvaŭ). Abodva vajskovyja abjekty raniej užo atakavalisia ŭkrainskimi rakietami i dronami.
Raniej Ozon traplaŭ u zonu pahrozy ŭkrainskich dronaŭ i pravodziŭ evakuacyju, ale da 22 žniŭnia paćvierdžanych źviestak pra zaharańni składoŭ Ozon nie było.
Kiraŭnik Samarskaj vobłaści Viačasłaŭ Fiadaryščaŭ paćvierdziŭ ukrainskuju ataku. Pavodle jaho słoŭ, u rehijonie paškodžanyja dva abjekty: łahistyčny kompleks Ozon i adno z pramysłovych pradpryjemstvaŭ.
Jon nie nazvaŭ druhoje pradpryjemstva, ale telehram-kanały paviedamlali pra ŭdar ukrainskich bieśpiłotnikaŭ pa Navakujbyšaŭskim naftapierapracoŭčym zavodzie, jaki raniej užo nieadnarazova stanaviŭsia cellu pavietranych atak.
U vyniku ŭdaraŭ u vobłaści jość paciarpiełyja.
Kamientary