Baćki 11‑hadovaha Arcioma Korbala z Mazyra paviedamili vydatnuju navinu — udałosia sabrać $2 900 000 na preparat Elevidys, jaki maje dać mahčymaść chłopčyku spravicca ź ciažkoj chvarobaj.
«Siońnia my možam skazać hetyja słovy, pra jakija maryli amal 14 miesiacaŭ. My dahetul nie možam pavieryć, što dajšli da hetaha momantu.
Hety apošni krok staŭ mahčymy dziakujučy vialikaj dapamozie, jakaja pryjšła ŭ našu siamju. My nie možam raskazać, chto dapamoh sabrać astatniuju sumu, ale možam skazać adno: my biaskonca ŭdziačnyja za hety ŭčynak i nikoli nie zabudziem taho, što dla nas zrabili», — napisali na staroncy ŭ Threads udziačnyja baćki Arcioma.
Da čatyroch hadoŭ ciapier 11‑hadovy Arciom Korbal z Mazyra zdavaŭsia całkam zdarovym dziciem, ale potym u jaho stali prajaŭlacca simptomy mijapatyi Dziušena — ciažkoha spadčynnaha zachvorvańnia, pry jakim z-za hienietyčnaha zboju arhanizm nie vypracoŭvaje białok dystrafin. A jon nieabchodny dla narmalnaj pracy ciahlic. Bieź jaho ciahlicavyja vałokny pastupova razburajucca.
Dapamahčy chłopčyku moža preparat Elevidys — na hety momant heta samyja darahija leki ŭ śviecie. Jaho košt — $2 900 000, ich jakraz i ŭdałosia sabrać.
Całkam historyju Arcioma možna pačytać tut.
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary