«Kali vy pazakryvajecie ja**lniki»: złoŭleny na dopinhu amapaviec z Hrodna pakazaŭ svajo vysokakulturnaje abličča
U svoj čas Arciom Łohiš byŭ čempijonam pa biehu. U 2020‑m jon, słužačy ŭ AMAPie, syhraŭ rolu achviary taksista-pratestoŭca. Ciapier ža zaśviaciŭsia ŭžo ŭ sacyjalnych sietkach.
Aŭtar tredsaŭ ź nikam girikalex, viadomy tym, što pakidaje iraničnyja kamientary pad dopisami prychilnikaŭ Łukašenki, raźmiaściŭ skrynšoty paviedamleńniaŭ, jakija atrymaŭ ad Arcioma Łohiša ŭ adkaz na svaje vykazvańni.
Arciom Łohiš napisaŭ heta z ułasnaha akaŭnta z čyrvona-zialonym ściaham na avatarcy.
Girikalex pahartaŭ staronki i vyjaviŭ, što brudnymi maciukami jamu piša bajec AMAPa — pryčym były spartoviec.
Arciom Łohiš rodam z ahraharadka Cyryn Karelickaha rajona. Jon byŭ nieadnarazovym čempijonam Biełarusi, braŭ zołata na Minskim paŭmarafonie i zavajavaŭ bronzavy miedal na čempijanacie Jeŭropy pa krosie 2018 hoda. U jaho jość žonka i syn.
Praŭda, spartovaja karjera skončyłasia, kali Nacyjanalnaje antydopinhavaje ahienctva złaviła Łohiša na ŭžyvańni zabaronienaha mieldoniju i vyniesła vierdykt ab trochhadovaj dyskvalifikacyi, da 2027 hoda.
Adnačasova sa sportam jak minimum z 2013 hoda Łohiš słužyŭ u AMAPie i ŭ žniŭni 2020 hoda ŭdzielničaŭ u zadušeńni pratestaŭ suprać falsifikacyi vybaraŭ i dyktatury. Łohiš tady zaśviaciŭsia ŭ Hrodnie ŭ jakaści asnoŭnaha fihuranta rezanansnaj palityčnaj spravy Alaksieja Łapy.
11 žniŭnia 2020 hoda ŭ Hrodnie, jak i va ŭsioj krainie, prachodzili pratesty. Pozna ŭviečary hrupa siłavikoŭ u bałakłavach biez apaznavalnych znakaŭ pryjechała na razhon łancuha salidarnaści pobač z kinateatram «Kastryčnik». Ludzi paśpieli schavacca, ale na parkoŭcy siłaviki pabačyli aŭtamabil taksista Alaksieja Łapy, kudy, jak im zdałosia, schavaŭsia niechta z udzielnikaŭ pratestaŭ. Kab nie dać jamu pajechać, siłaviki pačali bić pa mašynie dubinkami.
Spałochany kiroŭca sprabavaŭ vyjechać, kab uciačy, i pry hetym začapiŭ dvuch napadnikaŭ, paśla čaho inšaja hrupa amapaŭcaŭ spyniła aŭto, a kiroŭcu i jaho pasažyraŭ žorstka pabili.
Na Łapu zaviali kryminalnuju spravu za «hvałt nad milicyjantam», dzie Łohiša pryznali paciarpiełym praz toje, što aŭto začapiła jaho, choć i nie naniesła škody. Niahledziačy na heta, prakuror zaprasiŭ dla taksista try hady kałonii, ale toj da prysudu zdoleŭ uciačy ŭ Litvu i paprasić palityčny prytułak.
I voś ciapier Arciom Łohiš iznoŭ jaskrava ŭlez u palityku, hetym razam pahrozami ŭ sacyjalnych sietkach.
«Naša Niva» — bastyjon biełaruščyny
PADTRYMAĆ-
Zapłacili 8000 dalaraŭ za pucioŭku — i atrymali kašmar. Jak biełarusy źjeździli ŭ Turcyju ŭ piacizorkavy hatel
-
Biełaruskaja siamja 10 hadoŭ nie mahła znajści schavanuju zanačku. Hrošy ŭvieś hety čas lažali ŭ piečy
-
Na miescy palealityčnaj stajanki ŭ vioscy Juravičy praviali fiestyval pra mamantaŭ i pieršabytnych ludziej. Historyki aceńvajuć jaho skieptyčna
Ciapier čytajuć
Hetaja biełaruskaja instazorka dajšła da Playboy — ale, u adroźnieńnie ad mnohich, nie spyniłasia3
Kamientary