Uradženku Minska nie ŭziali na dypłamatyčnuju słužbu Hiermanii, bo ŭ jaje zastaŭsia baćka ŭ Biełarusi
«Pahroza represij suprać baćki moža stać instrumientam šantažu».
Naturalizavanaj niemcy admovili ŭ zaličeńni na padrychtoŭčuju słužbu dla vyšejšaha dypłamatyčnaha korpusa MZS Hiermanii. Pryčyna admovy — jaje bijałahičny baćka, hramadzianin Biełarusi, jaki žyvie i pracuje ŭ Minsku.
Takoje rašeńnie pryniaŭ Vyšejšy administracyjny sud Bierlina-Brandenburha 15 lipienia 2024 hoda.
Žančyna naradziłasia ŭ Minsku, u dziacinstvie pierajechała z maci ŭ Hiermaniju, atrymała niamieckaje hramadzianstva i admoviłasia ad biełaruskaha. Niahledziačy na heta, MZS paličyła, što jana nie projdzie abaviazkovuju pravierku: Biełaruś uvachodzić u śpis dziaržaŭ z «asablivymi ryzykami dla biaśpieki». Viedamstva paličyła, što baćka znachodzicca ŭ zonie niepasrednaha dostupu biełaruskich śpiecsłužbaŭ i moža być vykarystany jak srodak cisku na dačku — asabliva na fonie ŭzmocnienaj raźviedvalnaj aktyŭnaści Rasii i źviazanych ź joj dziaržaŭ paśla ŭvarvańnia va Ukrainu.
Žančyna piarečyła: kantakt z baćkam paśla razvodu baćkoŭ byŭ sparadyčnym, emacyjnaj pryviazanaści niama, a sama jana całkam intehravałasia ŭ Hiermanii. Sud, adnak, paličyŭ, što navat nierehularnyja kantakty śviedčać pra peŭnuju pryviazanaść, a pahroza represij suprać baćki moža stać instrumientam šantažu.
Jana prapanavała alternatyŭnyja miery — zadekłaravać, što siamiejnych suviaziaŭ niama, i paviedamlać pry sprobach kantaktu. Ale sud vyrašyŭ, što hetaha niedastatkova.
Kamientary
Kromie toho, słužba zaniatosti možiet priedłožiť vakansiju... barmienši v bordiele (riealnyj słučaj)