Ураджэнку Мінска не ўзялі на дыпламатычную службу Германіі, бо ў яе застаўся бацька ў Беларусі
«Пагроза рэпрэсій супраць бацькі можа стаць інструментам шантажу».
Натуралізаванай немцы адмовілі ў залічэнні на падрыхтоўчую службу для вышэйшага дыпламатычнага корпуса МЗС Германіі. Прычына адмовы — яе біялагічны бацька, грамадзянін Беларусі, які жыве і працуе ў Мінску.
Такое рашэнне прыняў Вышэйшы адміністрацыйны суд Берліна-Брандэнбурга 15 ліпеня 2024 года.
Жанчына нарадзілася ў Мінску, у дзяцінстве пераехала з маці ў Германію, атрымала нямецкае грамадзянства і адмовілася ад беларускага. Нягледзячы на гэта, МЗС палічыла, што яна не пройдзе абавязковую праверку: Беларусь уваходзіць у спіс дзяржаў з «асаблівымі рызыкамі для бяспекі». Ведамства палічыла, што бацька знаходзіцца ў зоне непасрэднага доступу беларускіх спецслужбаў і можа быць выкарыстаны як сродак ціску на дачку — асабліва на фоне ўзмоцненай разведвальнай актыўнасці Расіі і звязаных з ёй дзяржаў пасля ўварвання ва Украіну.
Жанчына пярэчыла: кантакт з бацькам пасля разводу бацькоў быў спарадычным, эмацыйнай прывязанасці няма, а сама яна цалкам інтэгравалася ў Германіі. Суд, аднак, палічыў, што нават нерэгулярныя кантакты сведчаць пра пэўную прывязанасць, а пагроза рэпрэсій супраць бацькі можа стаць інструментам шантажу.
Яна прапанавала альтэрнатыўныя меры — задэклараваць, што сямейных сувязяў няма, і паведамляць пры спробах кантакту. Але суд вырашыў, што гэтага недастаткова.
Цяпер чытаюць
Сяргей Ціханоўскі запусціў свой ютуб-канал з вершамі і казкамі29
Каментары
Кроме того, служба занятости может предложить вакансию... барменши в борделе (реальный случай)