«Бульба» з Оршы пайшоў ваяваць за Расію — цяпер сястра шукае яго ці хаця б яго парэшткі
Сяргей «Бульба» Сугакоў зарабляў на жыццё рамонтам кватэр у родным горадзе і Расіі, а ў 2017 годзе выходзіў на пратэсты супраць дэкрэта аб дармаедстве.
51‑гадовы Сяргей Сугакоў родам з Оршы. Доўгі час ён ездзіў на заробкі ў Маскву, дзе ў пачатку 2000‑х прыцягваўся да адміністрацыйнай адказнасці за пражыванне без прапіскі, а пазней трапіў у базы неплацельшчыкаў па крэдытах.
У сакавіку 2017 года, калі па Беларусі пракацілася хваля пратэстаў, Сугакоў быў сярод удзельнікаў Марша недармаедаў у Оршы.
У родным горадзе мужчына займаўся будаўніцтвам і аздабленнем.
На яго аватарцы ў «Аднакласніках» у нейкі момант з'явіўся расійскі сцяг. А ў 2026 годзе аршанец далучыўся да расійскай арміі для ўдзелу ў вайне супраць Украіны. Ён атрымаў пазыўны «Бульба». 21 жніўня 2026 года мужчына пайшоў на баявое заданне, пасля чаго сувязь з ім абарвалася.
З пачатку верасня ягоная сястра Вольга шукала брата ў профільных Z-чатах.
А зусім нядаўна жанчына пачала шукаць кантакты вайсковых шпіталёў у Растове і Калінінградзе і распытваць, ці пускаюць туды сваякоў з Беларусі. Гэта значыць, што або Сяргей быў цяжка паранены, або памёр і яго трэба апазнаць.
«Наша Нiва» — бастыён беларушчыны
ПАДТРЫМАЦЬБеларускі рэцыдывіст, які нідзе не працаваў, акрамя калоній, пайшоў ваяваць за Расію. Цяпер у палоне
Беларус, які стаў расійскім наёмнікам, вярнуўся ў Слуцк — без увагі з боку сілавікоў. Заклікае іншых не паміраць за Расію
Былы беларускі палітвязень даў сваё тлумачэнне таму, што пайшоў ваяваць за Пуціна
Цяпер чытаюць
«Бульба» з Оршы пайшоў ваяваць за Расію — цяпер сястра шукае яго ці хаця б яго парэшткі1
Каментары