На фронце загінуў былы гулец зборнай Украіны па футболе Раман Максімюк
Былы футбаліст знік без вестак яшчэ ў пачатку 2025 года. Зараз пацвердзілася, што ён загінуў.
Былы гулец зборнай Украіны па футболе Раман Максімюк загінуў на фронце. Пра гэта ў пятніцу, 16 кастрычніка, паведаміла жонка спартсмена Вера Максімюк у сацыяльных сетках, піша korrespondent.net.
Максімюк добраахвотна далучыўся да шэрагаў Узброеных сіл Украіны ўвосень 2022 года. Экс-футбаліст абараняў Украіну ў складзе 25‑й Січаслаўскай дэсантна-штурмавой брыгады ДШВ УСУ.
Апошні раз Максімюк выходзіў на сувязь 30 студзеня 2025 года. Ён папярэдзіў жонку, што знаходзіцца на пазіцыі на Пакроўскім кірунку. Пасля гэтага сувязь з ім перарвалася.
«Прашу памятаць майго Рому. Ён быў не проста зніклым без вестак. Ён быў мужам, бацькам, сынам, сябрам. Чалавекам, якога любілі і чакалі», — гаворыцца ў паведамленні Веры Максімюк.
У 1998—2002 гадах ён правёў пяць матчаў за нацыянальную зборную Украіны. У 2000 годзе стаў чэмпіёнам Украіны і ўладальнікам нацыянальнага Кубка ў складзе кіеўскага «Дынама».
Больш за ўсё ў клубнай кар'еры Максімюк выступаў за «Валынь» і «Дняпро», правёўшы больш за 100 матчаў за кожны з гэтых клубаў. Таксама ён прадстаўляў «Прыкарпацце», чарнавіцкі «Крышталь» і «Чарнаморац». Скончыў кар'еру футбаліста ў 2011 годзе.
Каментары