Biełarusaŭ papiaredzili pra novuju machlarskuju schiemu, jakuju mohuć vykarystoŭvać kala bankamataŭ. Ašukancy raźličvajuć na toje, što čałaviek zaŭvažyć čužuju bankaŭskuju kartku, pakinutuju ŭ kartrydary, i voźmie jaje ŭ ruki.
Schiema vyhladaje tak: złamyśniki naŭmysna pakidajuć kartku ŭ bankamacie abo pobač ź im. Jany čakajuć, pakul vypadkovy čałaviek voźmie jaje ŭ ruki, kab viarnuć uładalniku. Paśla hetaha kala jaho raptam źjaŭlajecca čałaviek, jaki nazyvajecca ŭładalnikam kartki, a razam ź im — niekalki padstaŭnych «śviedkaŭ».
Čałavieka pačynajuć abvinavačvać u kradziažy hrošaj z rachunku. Jamu mohuć zajavić, što na kartcy nibyta była vialikaja suma, jakaja źnikła, a na samoj kartcy zastalisia jaho adbitki palcaŭ. Takim čynam ašukancy sprabujuć vyklikać strach i paniku.
Paśla hetaha jany prapanujuć «vyrašyć pytańnie na miescy», nie źviartajučysia ŭ milicyju. Raźlik robicca na tym, što spałochany čałaviek zachoča jak maha chutčej paźbiehnuć kanfliktu i moža addać ašukancam svaje hrošy.
Śpiecyjalisty rajać u takoj situacyi nie brać čužuju kartku ŭ ruki. Kali jana zastałasia ŭ bankamacie, lepš prosta adyści — praz peŭny čas bankaŭski aparat zvyčajna sam zabiraje kartku ŭ śpiecyjalnaje adździaleńnie.
Taksama možna paviedamić pra znachodku ŭ bank, patelefanavaŭšy pa numary słužby padtrymki, jaki paznačany na bankamacie, abo źviarnucca ŭ milicyju pa numary 102.
Kali paśla hetaha da vas padychodziać nieviadomyja ludzi i pačynajuć niešta patrabavać, nie treba ŭstupać ź imi ŭ sprečki, pieradavać im hrošy abo abmiarkoŭvać situacyju.
Ciapier čytajuć
«Dahetul zadajusia pytańniem, čym Pratasievič mianie začaravaŭ». Vialikaje intervju Sofji Sapiehi — častka druhaja12
Kamientary
Zdajecca, užo było heta niejdzie.