Ajcišnika rodam z Mazyra asudzili pa šerahu palityčnych artykułaŭ i kinuli za kraty
Veb-raspracoŭščyka Juryja Fiłamienku sudzili za sadziejničańnie ekstremisckaj dziejnaści, paklop na Łukašenku i dyskredytacyju Biełarusi.
Juryju Fiłamienku z Mazyra 39 hadoŭ. Jon zajmaŭsia stvareńniem sajtaŭ i veb-siervisaŭ.
Akramia prahramavańnia, mužčyna cikavicca kryptaindustryjaj i majninham. Na tematyčnych forumach jon dzialiŭsia svaim dośviedam i padrabiazna vykryvaŭ niadobrasumlennyja kursy.
Dakładnyja abstaviny i data zatrymańnia Juryja nieviadomyja. Jaho sudzili ŭ Homielskim abłasnym sudzie adrazu pa niekalkich palityčnych artykułach Kryminalnaha kodeksa: č. 1 i 2 art. 367 (paklop na Łukašenku), art. 369‑1 (dyskredytacyja Biełarusi) i č. 1 i 2 art. 361‑4 (sadziejničańnie ekstremisckaj dziejnaści).
Mužčynu pahražała da siami hadoŭ kałonii. Dakładny prysud nieviadomy, ale pa sumie artykułaŭ Juryja čakała pazbaŭleńnie voli.
Masavyja palityčnyja represii ŭ krainie pačalisia paśla 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ joj ułady, a zmusiŭ jaje vyjechać za miažu. Heta vyklikała masavyja narodnyja pratesty, u jakich udzielničali miljony ludziej. U adkaz na heta ŭłady raspačali aryšty.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony jak minimum 9594 čałaviek, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy) začapili kala 500 tysiač biełarusaŭ. Niekalki socień tysiač ludziej vymušanyja byli pakinuć krainu.
«Ekstremizmam» ułady Biełarusi ličać patrabavańnie pravieści svabodnyja vybary z prazrystym padlikam hałasoŭ, a taksama praktyčna ŭsialakuju krytyku ŭładaŭ, prarasijskich histaryčnych naratyvaŭ ci prajavy salidarnaści z Ukrainaj.
«Naša Niva» — bastyjon biełaruščyny
PADTRYMAĆCiapier čytajuć
«Pajezdkaj my zadavolenyja, ale sivych vałasoŭ dadałosia». Žycharka Śvietłahorska adpačnuła ŭ Hielendžyku i dzielicca emocyjami3
«Pajezdkaj my zadavolenyja, ale sivych vałasoŭ dadałosia». Žycharka Śvietłahorska adpačnuła ŭ Hielendžyku i dzielicca emocyjami
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1414
Kamientary