Viaskoviec z-pad Biełastoka dakazvaŭ Biełarusi, što dapamahaŭ savieckim partyzanam. A kali nie prakaciła, «uspomniŭ», što naležaŭ da Armii Krajovaj
Polšča kančatkova admoviła 98‑hadovamu žycharu Padlašša ŭ kampiensacyi za palityčnyja represii. Bo represij u jaho dačynieńni nie było.
Akruhovy sud u Biełastoku admoviŭ 98‑hadovamu žycharu Padlašša J. B. u atrymańni amal 60 tysiač jeŭra kampiensacyi za palityčnyja represii. Paśla čatyroch pasiadžeńniaŭ sud pryznaŭ: nijakaj baraćby za niezaležnaść u jaho bijahrafii nie było — była paślavajennaja svarka ŭ vioscy i talent dzieda prydumlać historyi.
Fakty, jakija sud usio ž pryznaŭ: 30 lipienia 1946 hoda 20‑hadovaha J. B. zatrymali supracoŭniki paviatovaha ŭpraŭleńnia biaśpieki i trymali ŭ śledčym izalatary Biełastoka razam z susiedam pa vioscy. Praź miesiac adpuścili — i adrazu prapanavali… ustupić u toj ža orhan biaśpieki, jaki jaho trymaŭ.
Usio astatniaje — prynaležnaść da Armii Krajovaj, słužba ŭ partyzanskim atradzie, dopyt pa artykule ab prynaležnaści da AK, sustreča z sudździoj, jaki nibyta pryjechaŭ na miesca ahałosić jamu śmiarotny prysud, i navat zahad vykapać sabie mahiłu — sud pryznaŭ vydumkaj.
Historyk-ekśpiert Instytuta nacyjanalnaj pamiaci pa punktach raźbiŭ viersiju dzieda: kamandzir, na jakoha toj spasyłaŭsia, nikoli nie karystaŭsia nazvanym psieŭdanimam i nie kiravaŭ atradam u toj miascovaści; arhanizacyja, u jakuju nibyta ŭvachodziŭ J. B., dziejničała ŭ zusim inšych hminach; a susied pa kamiery, jaki, pavodle dzieda, taksama byŭ «partyzanam», praz try miesiacy paśla vyzvaleńnia sam ustupiŭ u milicyju — što, jak adznačyŭ ekśpiert, niemahčyma dla čałavieka z padpolnym minułym.
Dakumient, na jaki spasyłaŭsia zajaŭnik jak na dokaz svajoj dziejnaści ŭ AK, akazaŭsia nie aficyjnaj papieraj, a zapiskaj na błanku składskoha ŭliku.
Pry hetym sud ustanaviŭ: u maładości J. B. sapraŭdy supracoŭničaŭ — ale z savieckaj partyzankaj padčas niamieckaj akupacyi, što supiarečyć metam AK. Paźniej jon damahaŭsia vieteranskaha statusu i ŭ Polščy, i navat u Biełarusi — na padstavie ŭdziełu mienavita ŭ savieckim partyzanskim ruchu. Ale nie skłałasia i tam.
Dzieci viaskoŭca pryznali, što jon nie raskazvaŭ im pra svaje podźvihi. Žonka taksama zajaviła, što ničoha nie viedaje pra baraćbu muža za niezaležnaść.
Ciapier čytajuć
Płanavali viasielle, ale nie viarnulisia z adpačynku. Što viadoma pra 21‑hadovaha Hleba i 20‑hadovuju Nastaśsiu, jakija zahinuli ŭ avaryi ŭ Hruzii7
Płanavali viasielle, ale nie viarnulisia z adpačynku. Što viadoma pra 21‑hadovaha Hleba i 20‑hadovuju Nastaśsiu, jakija zahinuli ŭ avaryi ŭ Hruzii
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»88
Kamientary